相信大家對於依個法國小村莊Yvoire都唔太熟悉，網上亦好少blogger提起呢個地方，但如果你正在計劃瑞士行程，艾密莉強烈推薦呢個地方呀！！！！ 大家睇完上面段文字，會唔會覺得好奇怪呢？又話係法國小村莊，但點解係瑞士行程加入去？放心我冇打錯，係Luzern去Yvoire都只需要坐3個鐘火車加半個鐘船。最重要係SBB既pass係可以免費坐呢班船！！！最適合我呢啲窮遊人士。 點解我會咁強烈推介呢個地方？因為呢到每一個位置，都非常適合影呃like相。 點擊圖片放大 但建議大家入嚟之前可以食啲嘢先，因為好多餐廳開放時間都好短。加上，大部份餐廳都沒有英文菜單。題外話：上船位置對面有一間雪糕店值得一試，但價錢唔平（其實瑞士所野都好貴）。我叫咗椰子和薄荷朱古力，個椰子真係好似食緊椰子，每一啖都有濃濃既椰子味和椰絲。 喺小村莊入邊會有一間買番梘嘅店舖，入面全部都係手工番梘。仲要勁香、勁平！！！如果有好多唔太friend既「朋友」R你手信，呢到會成為你既救星！ 小提示：因為Yvoire已經係法國境內，所以大家買嘢要使用歐元。碼頭對出位置有找換店，但匯率唔算太靚，所以建議大家如果有計劃去yvoire可以去其他地方唱定少少歐元。
