30.Sep.2016 今日要好早出門呀,因為我地參加左local tour, 一早要去Victoria Coach Station集合~~ **留意番: 基本上你跟親local tour去玩~~基本上都係Victoria Coach Station集合~~而呢個站同Underground既Victoria Station係唔一樣架~~千祈唔好去錯地方呀~~唔好傻豬咁睇到Google map以為係同一個站~~就預到D時間趕一趕~因為其實距離都遠架~~ Coach station個樣係咁既~ 入面分好多個站頭既~搵番自己個站頭再等夠鐘就得架喇~~~ 不過我懷疑除左Premium Tours或者Golden Tour有自已既站頭或者旅遊巴之外其他都係跟呢間~~Evan Evans旅行社~ 我今次係跟Local London Tours 報團~無咩特別~純粹係比較過咁多間local tour呢間個價錢平小小咁解~~~Bath, Windsor and Stonehenge Tour~~我黎啦~~ http://www.locallondontours.com/london/bath-windsor-and-stonehenge-tour-from-london_4134 記住當呢堆綠衫軍(導遊) 出現之後~~就要細心聽下佢叫邊一個團去邊一個站頭集合~~因為有好多唔同地方既團都係呢到集合架~~我地果日仲分左英文同西班牙文XDDDD 係車到見到有架馬車經過~~真係好有型~~ 入溫莎城之前~~導遊派左條索帶比我地帶~~呢個就係入場卷喇~~ 可能始終都係去皇室既關係~入去check bag果喥都幾嚴緊~~有個團友袋左個指甲鉗都要沒收~~所以要留意番呀~ 好大同好靚~~天氣好好~~ 溫莎城堡掛左英國旗~~即係話英女王唔係城堡入面~~ 臨走之前~~見到到個毛毛頭士兵操緊兵~ 離開溫莎城堡去搭旅遊巴途中會經過一個小商場~~有時間可以行下~ 上車時有段小插曲~~D歐洲人原來好準時,我地比起原定時間遲左2分鐘,已經比導遊黑住面咁話:"你地攪到成團人遲左兩分鐘開始..."好彩我地唔係最遲上車既團友咋>< 之後下一站係Stonehenge~好多人問我~喂~Stonehenge有咩特別,靚唔靚?值唔值搭車去? 我自己就覺得幾靚,加上果日天氣好好~真係覺得幾靚..不過係屬於去一次就夠既景點~~ 由於果喥都幾空曠~幾本上係一個一望無際既大草地~~所以係超級大風同埋好凍...去既時候記得要帶定風褸~~ 雖然都多人~但好彩未誇張到好似望上D相咁淨係影到人頭...不妨行前多幾步, 個景會更加靚.. 之後搭番shuttle bus 去番售價處旁邊既canteen買野食...無乜特別..又係食包-_- 我地今次比原定時間早左5分鐘上車~~終於無再比人話喇~~哈哈!( 雖然有差唔多一半既團友已經上左車) 下一站係去Bath!!呢一站會有自由時間比你入去羅馬浴場~同埋行下呢個小鎮既~ 等緊入浴場果陣,見到有呢個藝術表演者..其實成個歐洲之旅, 我諗淨係有同過呢位表現者影過相..因為太多bad experience關於同完佢地影相係要比錢....無論自己同身邊朋友都係..所以大家如果想同佢地影相既話~~不妨留意下影完果D人有無比錢~~先好行埋去影相~~~ 拎左飛~排緊隊入去luuu~ 呢張係高空影落去.. 呢張係落到樓下影既...其實坦白講就唔係好靚既...同埋D水既質素,周圍都有poster寫明叫你唔好試浸或飲用既....我淨係有試過凌空放隻手係水面上面feel下~~係真係有熱度既~~~ 不過好有趣既係...當你行到差唔多完既時候,會有位係問你試唔試飲料佢地經過處理既溫泉水................er...我地就當然唔試啦~~我地呢D飲慣煲熟左既熱水既香港人~~真係唔敢試.. 好開心我個住係Bath既朋友黎左搵我,之後就好快咁行左個小鎮一陣~~我地又要回程番London luuu~~ 基本上我地個local tour就係離開左London之後,圍左一圈咁行~~其實都幾好玩...雖然跟tour就好似趕鴨仔咁..但係如果你計番入場費, 交通費, 同埋時間...呢87鎊其實好抵玩~~~ 另外要注意既係~~買飛果陣,網站有時會為左吸引你,會show一個好平既價錢,例如44鎊~咁你要留意番佢D terms有冇包到入場費...有D網站會有少少tricky位係喥~~ 因為回程果陣有D塞車...總共用左成2個幾鐘先番到去London...番到去都成8點幾...又凍又肚餓..我地搵左一間最就腳既Burger & Lobster食~~呢間係係James park 旁邊..幾方便~~~不過都要等位...最後差唔多成9點先入到去食... 其實大家都對呢間野應該唔會陌生～～都知道呢間野主要要係食龍蝦啦～～ 因著全日都無咩食過啲乜既關係，我地決定今日豪食！一人一份片燒龍蝦～另外再加左兩份龍蝦包～～ 龍蝦包好正！啖啖龍蝦肉，同埋佢落左蒜蓉香草牛油⋯好邪惡但好回味！反而龍蝦包仲回味過燒龍蝦！ 跟住就到主菜~燒龍蝦喇！其實佢有分燒同蒸～結果我地全部都要曬燒；） 果然係一流！ 食飽之後我地又即刻番番民宿喇⋯今日都玩左成日，大家都好累喇！
