29.Sep.2016 休息左1晚~真係好舒服~精神滿滿咁出去玩lu~我地既第一站係去倫敦其中一個出名既food market~~Borough Market~ 幾本上我地成個英意之旅都係跟住Google map去旅行:P 係London bridge station出~行大概10分鐘左右就到~~ 當日其實落緊雨同埋超大風~本應諗緊會唔會濕滴滴好似我地D街市咁..點知一入到去~超干爽:) 當日係full market~~因為佢有d日子只開半個or成個market~ 好精緻既手繪碟同碗~ 仲有D硬到掉得死人既麵包:P 去左生蠔檔叫左一打生蠔食~~試左唔同既款同size!好好食..超級鮮甜@@ 真係不得不講呢隻蠔..唔知活左幾多年..真係手掌咁大隻xd 我就覺得細隻小小呢d最好食~ 食完隻蠔之後我地又繼續食食食~~個market都有好多試食既~試曬既話我估都已經飽XD 之後又去左買我好鐘意既橄欖~有好多唔同既款式.. 最後我地買左蒜蓉香草橄欖~正在好努力地數錢..實在太多種貨幣喇! 話明food market當然咩種類都有啦~~我地又去左買士多啤利食~ 行呀行呀行.. 好多好多海鮮.. 實在太多野睇同食~~有興趣真係要花一個半晝去食野~ 不過要留意開放時間~ 上去官網睇下~有時仲會有event攪~~http://boroughmarket.org.uk/ 食飽飽之後~我地其實預左時間要去Flat Iron到食晏就~~點知我地係市場食到12點幾~仲係好飽~~於是我地就搭地鐵去到Holborn station慢慢行2個站咁過番去間餐廳~~ 中間會經過Covent Garden同Leicester Square~~呢兩個站附近都係一D歌劇院~藝術中心~酒吧~等等~~ 英國既建築物真係好靚! 係呢個市場到~我地買左件好老土既"London"衫xd..好彩買左咋~如果唔係之後既旅程就唔夠暖喇~ 行到咁上下~又有番小小肚~我地就去左Flat Iron喇~ 呢間個環境幾靚~幾本上呢間餐廳主力sale一樣野~就係steak~另外你可以加side dish~不過唔加都夠喇~~因為本應都唔太肚餓~ 我地另外試左幾款Beer~ 每款都係唔同既味道~ 肉肉黎喇!都幾好食:) 食飽之後~仲會請人食雪糕:) 之後我地就出發去西敏寺~中間左個公園..當然要入去影下相啦.. 西敏寺入面原來都係放曬D名人既墓..我自己就麻麻地~因為價錢都要£20一個..點擊圖片放大 +2 睇完之後我地又趕去大英博物館~~結果真係太趕~我地4點鐘到果喥~5點鐘就閉館~但係基本上佢4點9就準備關門趕人走~我地最後淨係睇到最想睇既埃及館就完左LU... 今日既行程到呢道係仲未完結架~我地之後7點仲要去睇歌劇~~係小妹最鐘意既phantom of the opera~~呢齣野淨係會係Her Majesty's Theatre喥做~~ 我地坐第二層~~係劇院入面行樓梯上去睇~感覺上好高級~雖然睇歌劇依家無要求衣著要點~~但記住都唔好著得太求其~~有失身份~~畢竟外國人真係著禮服去睇既~ 全場爆滿~~有興趣既人~記住去我之前介紹既網喥睇下每個位置既comments先好買飛呀~ 雖然我坐呢個位係有D缺憾(基本上唔可以挨住個椅背,否則有D角度一定睇唔到)但係以呢個價錢(好似50幾)可以近距離睇到每個演員既表情同動作~真係好值得! 睇完都成11點幾~~我地就帶住疲倦既身軀番番去民宿LU~~~今日實在太充實~~晚餐都係求其番到去食少少野就訓LU~~ 下回預告: Local tour~
