28.9.2016 上一篇就講左D入境要注意既事項啦~~可以睇番Day 0了解番~~ 經歷左十幾個鐘頭既長途機~我地終於落機喇! 去過倫敦既人都知到Heathrow Airport分5個Terminal~而我地今次卡塔爾就係Terminal 4降落..呢個係一個好細既Terminal~~~ 而基本上比較靚同多野行既都會係Terminal 5(圖為2009年係T5到影既) ********************************************************************************** 一步出Arrivals~右手邊就有好大個information board~睇番想要既交通工具~~ 由Heathrow Airport出番倫敦其實有幾個方法既: 1. Heathrow Express: 即係香港既機場快線咁~15分鐘不停站直出到倫敦Paddington Station，亦係最貴既一個方法£27，當然有心搭佢既就上網買定先，仲有早鳥優惠，見過最平£5.5 2. Heathrow Connect: 慢Express少少~因為中間會停5個站先到倫敦Paddington Station~~全長30分鐘~£10.2 3. Underground: 搭地鐵最平~£3.1~不過如果要搬行李加轉線~大概1小時~ 4. Central Bus: 睇你要去英國邊喥~因為去到英國不同地方 **搭車小總結:既然你都比得咁多錢去英國~唔好慳果小小，我會繼續搭Connect~~除非你一早定好左時間, 好肯定你咩時間一定搭到架車, 咁你就簡早鳥既Express (我因為幾年前去英國,試過入境同safety check果喥攪左好耐,所以唔敢book定早鳥) 而Underground同bus...唔太建議: Underground:太多樓梯要行，搬行李上上落落又轉線..唔好第一日就攪到自己累曬啦~~XD Bus:初到貴境，點識落車呀...除非你好有冒險精神~~XD ********************************************************************************** 跟住呢D指示牌~你會搵到搭Connect同Express既地方~~你亦都可以搭呢架車去到T5行街 呢個牌你會好清楚咁睇到Express同Connect既分別~ e?咁我地應該邊到買飛呢?沿途只看到有Express的自動售賣機同售票處................ORZ 就連呢個閘機都唔洗入飛架..@@ 點擊圖片放大 就係咁..見到車身痴左Connect既車我地跳左入去.. **文妮小智識:如果見到有D火車/tube埋左站，但係無開門，可以望下門側邊有無button，有就禁，咁就會開番門..千祈唔好痴痴地等到佢開門.. 點擊圖片放大 話說我地好淆底..因為我地無買到飛..如果有人查飛真係唔知點算..再加上開左車之後，聽到有段廣播話:無買飛既乘客要比車費同Penalty..呢頭聽完果頭就有人黎查飛..當然,我又發揮我地旅客本色: (可憐加驚慌樣，不停講sorry，我地搵唔到邊到買飛(雖然呢個係事實)...等等既野)而咁岩好好彩，呢位查飛員都好好，淨係幫幫我地買番飛唔洗我地罰錢.... **之後再看文章~~原來之前見到果D Express閘機就係賣Connect既飛...諗深一層..T4都無得搭Express..要轉番線番去T5加嘛....所以點會整咁多Express機丫... 但係作為一個遊客..鬼知咁多咩...Anyway~有驚無險地到達Paddington Station~~~ 我地住既民宿係近Marylebone Station/Baker Station~~所以好方便~基本上係Central London咁濟~~ Marylebone Station: 點擊圖片放大 大概十分鐘路程就到達民宿lu~可以直接入LINK睇相~基本上真係一樣~好普通但訓得好舒服既一間屋~ https://www.airbnb.com.hk/rooms/11413061 攪掂好民宿D野之後~我地就開始出發喇~~因為有D肚餓既關係，我地去左附近一間老牌餐廳The Sea Shell of Lisson Grove食fish & chips.. 叫左1款特價既cod Haddock~~魚質無咁散~但其實都係差唔多~~ 牛油香草煎大蝦~~呢個超好食!! 炸魷魚~ 依飽左個肚之後~就去搭泰晤士河既船:) 遊河會經過既景點(循序排):大笨鐘&國會大樓>倫敦眼>千禧橋>倫敦橋>塔橋點擊圖片放大 +2 尾站係Tower Bridge~不過我地無買return ticket~所以我地就係附近行下喇~ 明明開始凍~但見到雪糕又好想食! 食完雪糕就向塔橋方向行~ 上到塔橋啦~咁岩見到條橋升緊~~比船過~ 會上升到最高~~ 之後再落番去~ 開閘關閘~前後都大概5分幾鐘架~~結果一開閘~大家都好似比賽開始咁..衝呀!! 開始天黑lu~~我地就搭番underground過番去上London eye果邊~ 入左夜之後既Big Ben真係好靚.. 離遠睇london eye...其實真係好唔靚, 呢其係可口可樂sponsor~所以變左紅色/_\之前係紫藍色架!! 倫敦既景色真係飽覽無遺 當時已經10點幾..屋企附近D餐廳都收左喇....又夜又凍又肚餓..第一餐就已經一人一個出前1丁喇XDDDD食曬D存貨咁濟.... 之後即刻沖涼訓教~~迎接忙碌既第2日:)
