27.9.2016 (上機篇Day 0) 6點收工之後~嗱嗱聲番家拎行李再沖涼落妝就慢慢出發去機場喇~~ 其實我地係搭28/9凌晨機~所以9點到達機場~再慢慢過關都得~~ 我地今次要轉機去既~香港飛多哈大概8小時~之後多哈飛英國大概7.2小時~ 我地今次搭Qatar Airline~~D坐位都幾舒服~~不過坐咁耐都係累架喇 :-( 小電視都有幾多電影睇~但係有時d字幕會彈左d中東字出黎~ 睇左一陣戲~就有飛機餐食喇(一上機無耐~空姐就會派餐牌)今程機有晚餐同早餐食:) 晚餐~我食呢個餐xd好似係炒雞肉~ 之後又係訓下醒下睇下電影咁.. 早餐時間:好似係蘑菇醬蛋捲..好難食既~淨係得個牛角包好好食~ 經歷左7個鐘既飛行~終於到左多哈~多哈個機場好鬼大, 當地時間凌晨3點已經開曬鋪~~於是呢3小時既等轉機時間我地就周圍行下影下相咁打發時間~ 周圍都有呢D sir滑梯比人玩~ 多哈可能太有錢~周圍都擺左呢D名車做展覽 等boarding... 上到機又食多轉早餐,又重覆多次...今程機有早餐同小食~ 雞批同素食批~ 飲啖酒訓教好既~ Yeah!!到倫敦喇!! 終於..飛左15個鍾..我地到左倫敦喇!~~ Direct flight 同 non direct flight 係15 vs 12個鍾既分別~~~ **另外有一個少分享~~ 如果有留意到我之前既blog~我申請左BNO~其實傻豬豬既我一心以為拎住bno就可以行EU通道xd其實係唔可以架~~因為我地係overseas呀~~ 入境時~記住要行番non-eu通道, 係排緊隊時,會有d入境處職員望下你本passport又同你講:你唔應該排呢喥wo~~呢個時候你只要覆佢一句:我呢本係overseas bno黎架~咁就得架喇~ 到埋櫃位時要有心理準備入境處條友會當你係犯咁係咁重覆睇你本bno,睇完又睇... 我已經係同男朋友一齊行埋同一個counter, 都係bno~所以可以除去果d"驚你一個女仔過黎會過期居留"等等既原因..我住英國既朋友之後同我講番,佢地因為好少見渣overseas bno既亞洲人,因為本野同eu holder既外表係一模一樣~~肉眼睇係無分別既~~所以佢地會覺得我地呢d holder好奇怪~~ 相反~我同行既家人係拎特區戶照,望左兩眼就過左關lu~~ 或者你會問~既然咁煩咁點解仲要申請同埋仲要用? 無~純粹因為英國情意結~ 下一篇會開始展開我既倫敦之旅:-)
