4/9/2016 好興奮好興奮!期待左足足一年,終於都就快到喇!!雖然距離出發仲有廿幾日時間, 但事前既準備工夫其實都不少... 機票篇: 當然要諗定你想幾時出發, 當定好時間後就可以開始留意賣平機票既網(當然我係買特價機票先需要留意啦,如果你有錢買到正價票既話,跟本唔需要咁做) 我係睇MeetHK同Flyagain既, 建議可以add佢地既facebook咁就可以隨時都睇到啦! 1. http://www.meethk.com/ 2. http://flyagain.la/ 通常都唔會早一年出, 例如我就係2015年既12月買2016年既7-10月優惠既~我仲要買到QATAR既open jaw~~價錢都只係$47xx...所以有興趣既話就真係要留意下呢D網喇! 另外我地會係英國轉機去意大利..當然,我地都係買Jetstar Airline呢D平價航空啦~~可以係出發前一個月先買都得~~大概HKD 6-700蚊左右..當然愈遲買有機會愈貴.. 兌貨幣: 分別要對英磅同歐羅~其實我蠢左..係網上銀行買..但有個問題係你每次拎錢只可以500,500咁拎/_\.... 下次我都係係番百年兌喇, 都唔差好多:P 住宿篇: 今次係第一次係Airbnb訂住宿..訂左一係underground 附近, 睇左comment似乎幾正路..希望一切正常! 景點篇: 有D景點係要事前網上買飛既~~例如歌劇門票, 哈利波特門票.. 我睇歌聲魅影~~因為有太多層太多唔同既價位,由22磅到107磅都有@@豐儉由人..但係咁多位,到底邊一個位先係岩自己心水呢?可以試下睇下下面呢個網先決定買邊個位..佢係由D觀眾寫番對個位既comments同埋有D仲會有相tim!我就係靠呢個網黎買飛~~等我到時睇下係咪真係咁正先:D https://seatplan.com/london/her-majestys-theatre/ 至於哈利波特既飛, 我呢個超級FANS當然要去參觀下啦!買飛當然係係佢既官網買啦~建議如果定左日子既話就盡早買喇...因為每日每場既人數都係有限既..所以賣曬就無,以我為例~我已經係早一個月買..但都要買到下午2點既場~~所以真係早買好d! https://www.wbstudiotour.co.uk/ 好啦~大致上事前準備工夫都到呢到.....好期待..月尾快d黎啦!!
