好懶呀~~遲遲都未去旅行,就算出左街去露營郊遊都好懶..不過依家天氣熱番D終於有番生氣啦! 前排成日都聽到D人講太安樓太安樓~~終於我呢個新界人都出左城~~黎到西灣河既太安樓喇~! 太安樓係一個舊式商場連樓上住宅..其實有D似葵芳廣場3樓~都幾多野食~~ 我地第1站係食我最鐘意既海南雞飯! 你見到個價錢真係唔敢信$25咋!!同埋好好食...有 係新加坡既味道:-) 真係人頭湧湧架!因為真係好抵食!叫左海南雞飯加換湯, 另外再加左5蚊要左半份雞潤~ 佢D油飯真係好好食! 之後第2餐~我就去左食手抓餅! **太安樓有兩間手抓餅~我依家食呢間就係有紫薯餅底味既~ 簡左(沙津醬，芝士，火腿，紫菜）我另外再加錢要埋肉鬆~ 真係好好食呀...個餅脆脆地,又有陣紫薯味(不過係好假的味，但又夾wo)最重要係有肉鬆同個沙津醬,令到佢一D都唔干~~不過食完飯又食左呢個餅真係飽左! 之後到男友SHOW TIME喇~~佢係甜甜控，一見到班戟就話要食! 我地簡左芒果味~~佢話好好食喇~我就唔太好甜品既~不過試左幾啖都覺得ok~ 最後一樣就係蛋記既雞蛋仔~~講真~~佢好食過北角雞蛋仔...果日連外國人都排隊買XD 你睇下，薄Ｄ果邊係脆，厚Ｄ果邊係軟綿綿架! 就係咁~我地既太安樓美食之旅就到呢到~~果喥仲有好多正野食架~~有時間就去行下啦~~ 仲有呀~~我黎緊4月尾會去墾丁~~~9-10月會去英國同意大利~~到時會有多D旅行遊記架喇!! 如果有睇開我寫野既..真係唔好意思要你地等咁耐..我唔想亂咁寫,見到有真心想介紹下既先會講:-)
