哪一天我們會飛，一齣令我好感動既戲。有啲人會將佢同我的少女時代比較，我兩齣都睇左，其實冇得比較因為根本係唔同戲路。 我的少女時代，係一套簡單到不能再簡單，純純既愛情片，點解咁有共鳴，我覺得純粹係因為90年代，香港既黃金年代。 哪一天我們會飛，係一齣好有深度，講追夢，講現代香港夫妻生活問題，係一齣好寫實既電影。 你問我邊齣好睇，我覺得兩齣都好睇，但係個分別在於:哪一天我們會飛，我比佢入面既劇情感動到真係喊左出黎，然後到第日同男友傾番劇情，我仍然會喊得出黎…呢樣係我重未試過既… 而我的少女時代，已經唔太記得，淨係記得最後徐太宇推林真心出去然後默默流淚果幕。 未睇哪一天我們會飛既記得快啲去睇喇，黃修平既電影真係好有驚喜。BTW蘇博文呢種有學識既文青真係好吸引~~~~
