寫開飲飲食食的我, 昨天看到blog友有篇文章是寫關於約朋友聚會的文章, 感受良多,我都忍不住要發表一下自己的感受.. 如果你每次看到昔日團體照片都覺得好可惜, 然後好想找些朋友出來聊天,或SEND給朋友懷念一下昔日美好時光~如果你有咁做過既..希望寫既野會令你覺得有所共鳴.. 攝於2010, 世界杯 攝於2010, 樟木頭夜市 為什麼要特別寫上面既註腳呢? 因為我覺得如果你唔在意果班朋友,根本見到D相都唔會有種好懷念既感覺..簡單D講,佢地係你心目中可能只是一個過客.. 首先要說明一點, 我自問自己是一個活動攪手..(當然我在不同group入面扮演不同角式xd)但多數是攪活動的...以前讀書時BBQ, 碌link, 唱k, 打邊爐 要攪這些活動一點也不難..因為基本上大家一日9個小時都是每分每刻都是一起的..活動可以是在天地堂, 或完堂後進行.... 畢業時總會有一句: 畢左業都要keep住出黎見面呀! 講果時會諗都係hae講架姐...要約其實有幾難?畢業到現在已經幾年.....原來要約得成一個活動真是很難...要夾天時地利人和...仲難過約so師傅睇風水呀.... 每次約活動時..總會有一堆理由: 1. 星期5, 6, 日唔得, 2. 黎緊幾至幾號唔在香港, 3. 黎緊考試要溫書, 4. (有d人直頭唔reply) 有感隨著人愈大, 要分身既事及時間愈黎愈多多...要分時間比屋企人, 男朋友, 男朋友家人, 唔同既朋友group, 仲有要留番時間比自己休息等等...各種理由導致約會變得愈來愈難.. 其實肯應約既,固然要珍惜, 但更要珍惜身邊那位仍然堅持攪活動的朋友..我相信他必定曾受到朋友放飛機, 唔應機, 唔出席活動既打擊...攪一個活動真係好頭痕, 先是約日子..終於就好日子後, 就到諗食乜..豐儉由人..之後又到擔心D人會唔會飛機....到到齊後, 又驚是但一個受到冷落..... 我成日都覺得如果係有心, 點樣都會"滋"到D時間出黎食餐飯, 因為飯始終都要食架嘛...又有朋友同我講過..真心FD, 唔需要成日見既...但試問下..如果你有個FD明明大家都係係香港, 但幾年先見一次, 其實仲會有幾FD? 起碼呢幾年既UPDATE都可能唔知...單靠facebook來update朋友既消息不會覺得太空虛嗎?畢境大家曾經朝夕相對了好幾個年頭啊.... 我曾經試過約一餐飯約左半年都未食到...其實真係好灰..不過我仍然堅持去約大家.. 因為我覺得如果連我都唔做約果個, 唔做攪手..可能真係唔會有人再約同攪活動了.. 朋友是要見的..請珍惜還會應約及攪活動的人 攝於2011, 體肓館的更衣室內 攝於2012, 食蟲蟲挑戰賽 攝於某年, 好朋友家 XDD....見到呢張相,我又開始掛住你地喇..
