Tortilla Española (Spanish egg and potato omelette)2012年在Barcelona學做這款西班牙經典美食,事隔八年,當年的recipe不見了,唯有用吓創意、經驗加埋依稀嘅記憶在家試做。做Tortilla Española,材料簡單到只有蛋和薯仔,鍾意食洋蔥嘅話,可以加埋。煎嘅過程,決定呢個蛋餅嘅「生死」,關鍵在於flip the pan嗰幾秒,動作不夠快,未凝固嘅蛋液就會一身(一地)都係。😅😅😅有些人為咗避免反鑊這步驟,會用焗嘅方法去做,但這做法會令到蛋餅表面過熟。方便,但不可取。昨晚試做了一個不太厚的,反鑊一刻好緊張,但順利過關,比預期中好味。我家大少話「仲好食過回憶中的那個」😜😜😜😜,咁捧場,今日整多次俾佢食。熱辣辣做好嘅Tortilla Española固然香噴噴,但西班牙人一般都是將它放涼至室溫,當Tapas享用。