等咗幾星期，牙套終於到啦～會收到通知及預約到牙醫診所領取 到診所時會由牙醫量度、試戴係我牙上，檢查清楚牙套，而我嘅情況係需要磨牙，所以牙醫都會一併做埋。磨牙過程好快，而且無乜唔舒服嘅感覺，手勢不錯！ 最後會由姑娘教導：●如何戴上及除掉牙套●清潔牙套●平時擺放注意事項●清潔牙縫 (原來唔係咁簡單)●會話俾我知剛配戴時大概嘅感覺●如何使用及設定Zenyum Apps去紀錄及跟進，如果有任何疑問，仲可以透過Apps跟進牙齒情況，重約埋下次覆診嘅日子 最後就會一齊檢查清楚牙套組合、數量、小配件。 就開始我嘅【箍牙生活】啦～以下就係我剛開始箍牙嘅感受，有興趣就可以繼續睇落去⏩⏩Day 1無心情食野，但會餓，但又唔想除牙套食野，因為除牙套時真係痺痛，感覺前面8隻牙非常不習慣，因此好矛盾；食野時感覺牙齒唔太夠力咀嚼；亦唔想講野，keep住痺，講野咬字不太清楚咁，有啲黐舌根，有啲字發唔到音，同事聽落覺得好Funny，明明傾緊正經野，但同事聽聽下都會忍唔住笑重點：第1日真係堅用唔到電動牙刷，因為調到最輕微力度都會覺得痺痛，轉用手動，岩岩開始，應該要慢慢適應 Day 2起身除牙套時已經覺得比第1日易啲，而且同事覺得我講野正常咗好多，我發現講野時個口形大啲講野會清晰啲，但發覺條脷成日都接觸到牙套條邊，會唔舒服，有點痛，呢種情況就要直接聯絡Zenyum客戶服務專員，最後都解決了～～每日要配戴最少20小時，除下及戴上牙套都會有明顯痺痛感覺，所以反而KEEP戴住會更舒適Day 3第3日終於習慣啦～但食野始終唔係好夠力，所以出現咗係朋友口中「食完嘅牛肉乾」，奉勸各位箍牙早期都係唔好食比較硬的食物；因為與朋友staycation影靚相，發現戴咗牙套會不其然張開口，仲比平時張得更大，而且合咀笑時，咀唇會顯得更凸，所以都係露齒笑更好，而且透明牙套完全不著痕跡，影咗好多靚相，而且朋友都睇唔出我正在箍牙中經過幾日，發現清潔牙套真係好簡單＞＞1）每次除牙套都沖沖水，再用紙巾印乾2）早晚刷牙前都先用牙刷清潔牙套就可以（不需使用牙膏） Day 4再次嘗試用電動牙刷，ok喎，係有少少感覺，但可接受，而且戴上及除下牙套都舒適咗，已經適應到啦～但脷就有點好似整親腫腫地嘅感覺，但又無損，問咗zenyum 可能係我未習慣有牙套係口腔內。 Day 5~6戴住牙套去上fitness & yoga堂都無問題已經適應晒，無咩問題，而且依家收工返屋企習慣咗會先刷牙，再處理塊面嘅肌膚Day 7~9口水量多，真係要成日飲多d水＋清潔乾淨牙套＋一定要用牙線清潔牙縫，因為磨咗牙會容易藏污垢，如果唔係會有口臭問題啊！＊選擇牙線：原來都好緊要當時貪方便是但入間藥妝店買其品牌出既牙線棒點知......太粗，完全不適合，根本用唔到，最終要買3M超細滑先岩用！！ Day 10呢10日我已經適應咗牙套存在到換下一套＂新＂牙套日子2 mths later～～箍牙都箍咗2個多月，都已經習慣咗牙套嘅存在，除咗牙套出嚟反而有啲唔習慣...😅雖然兔仔牙改善進度仍在初期，未算好明顯，但整排🦷牙齒都向內收咗入去，咀仔無咁凸出💕最明顯效果係塊面細咗！！！呢個效果對於我黎講「❤真心賺咗!!」本身諗住牙齒齊整已經好開心，點知連樣都靚埋💟So Good💟 上下排的牙齒都有睇得出的整齊，尤其是下排門牙！！ 3 mths later～～箍牙都箍咗3個多月，結婚當日牙齒真心比較以前已經齊整咗不少，希望右邊門牙前後情況都快點可以改善～～ 期待完全完成的日子～～Zenyum「隱形牙套」既箍牙 $13800✔沒有隱藏式收費 (網上清晰標明各項收費)✔有牙醫親自跟進✔決定箍牙前已經清楚知道自己會箍幾耐，及有過程＋效果影片立即登記免費網上評估，如果您都打算用隱形牙套可以先登記做免費評估＞＞使用優惠碼「ELYSE300」即慳HKD300：http://bit.ly/elyseng_zenyumZenyum: https://www.zenyum.com/hk-zh———————————————————————————————————免責聲明: 本文章內容屬個人意見及感受，並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。適合與否都要自己親身試過才知道的。 希望大家喜歡今次的分享～給我一個支持， 金魚 Elyse Facebook Page │ https://www.facebook.com/elyse214金魚 Elyse Instagram │ elysefish214金魚 Elyse E-mail │ elyse214@gmail.com
