其實好多人都同我講「睇唔到婚鞋架喎」 而我都清楚知道自己會著長裙，但係就係好想好想要一對婚鞋。 睇咗好多「婚享」，就鍾情於出名嘅Jimmy Choo，仲帶埋男朋友去睇添， 雖然男朋友都覺得靚，但價錢就令我哋卻步，無即時作出決定， 因為成6千幾蚊，呢個價錢可以做到好多婚禮項目。 就係某月嘅婚展俾我遇見“她” 佢個攤位放咗好多閃令令嘅高踭鞋，都仲係好吸睛架， 而且一睇鞋型就覺得好修腳，所以就坐低試下啦～ 唔試尤自可，一試就“叮”一聲，“堅”修腳型， 仲要短腳變長腿，短闊嘅腳掌都變得纖細。 以下呢2款都係品牌嘅「Signature」款式 白色蕾絲 75mm Amma Lace Pump 最適合配搭婚紗，白色米色嘅婚紗都配襯得到， 而且用Lace料有若隱若現嘅效果， 既唔會透到我一粒粒又圓又短嘅腳趾，又透氣，又大體。 75mm Darin Glitter Pump (Gold/Sliver) 呢對嘅閃令令係最吸引我，而且佢嘅閃係用不同大小&亮度配搭， 所以閃得黎都有層次，而且呢個款仲配上繩， 變成1鞋有2款著法。 更有印字服務，仲係免費添！！ 試穿後真係好中意，但2揀1嘅話， 真係唔知點揀好(好苦惱...) 就係呢個Mement 男朋友1句說話就令我做到決定 「2對加埋先係Jimmy Choo個對嘅一半， 2對都買啦！」 一言驚醒夢中人~哈哈XD 最終2對都買，仲揀咗1對印“WE DO” 就係呢個Mement 男朋友就搞事話想印“HELP”...... 真係俾佢吹脹！ 待印好，就會通知我去拎鞋， 上到她們上環嘅Showroom 感覺好舒適， 仲可以一次話睇晒她們嘅鞋款， 又可以試穿同不停咁照鏡~哈哈！！ 中意就去睇下啦～ 金魚覺得買呢2對婚鞋係無悔， 因為之後都著得返，可能因為金魚本身就喜歡有點浮誇的東西， 因此好肯定婚後一定會再著出街！！ ODELICATE 因為疫情，金魚婚期又要再延期， 對鞋出場時刻又要再等...... 所以在家中時，間中都會穿著一陣， 係家中行下、襯下著咁，令心情好一點。 係呢段期間，好多謝未婚夫嘅安慰， 因為依家所經歷的都係前所未有， 感受過嘅壓力都係非一般， 心慌、心亂都係好正常， 真係好慶幸我有個內心非常強大嘅未婚夫， 謝謝你不斷舒緩我的情緒， 同時證明我揀「對的人」了！！ ❤┌ Pre-Wedding ◎ 影婚紗相的選擇及決定 ┐ ❤ http://elyse214.blogspot.hk/2017/08/pre-wedding-elyse-wedding.html ❤┌ Pre-wedding 準備(1) ┐❤ http://elyse214.blogspot.hk/2017/09/elyse-pre-wedding-1-1.html ❤ (含婚照)┌ Pre-wedding 準備(2) ┐│ 晚裝禮服 evening dress │ ❤ http://elyse214.blogspot.hk/2017/09/elyse-pre-wedding-2-evening-dress.html ❤┌Pre-wedding 準備(3) ┐婚紗由平腳變拖尾│ 瘦手臂、豐胸 │ ❤ http://elyse214.blogspot.com/2017/09/elyse-pre-wedding-3.html ❤┌ Pre-wedding 準備(4) ┐│ Tailor Made男禮和煲呔 │ ❤ https://elyse214.blogspot.com/2017/10/elyse-pre-wedding-4-tailor-made.html ❤┌ E&H Wedding (1) ┐│大日子化妝師 │ ❤ https://elyse214.blogspot.com/2019/11/e-wedding-1.html ❤┌ E&H Wedding (2) ┐│婚鞋 │ ❤ https://elyse214.blogspot.com/2020/04/e-wedding-2.html
