1月了,但天氣仍然好暖。。。甚至有點熱,想食麵,應該會食到出汗!! 呢個時候食沾麵就會好一點,因為湯同麵是分開的,起碼唔會食到出晒汗!! 入到去,見到1個人既位置,同日本的拉麵店一樣有塊板隔著, 就算1個人食都不會尷尬,仲有私人空間添, 而且每張椅子下面都有一個箱俾我地擺放外套及手袋~好貼心!! 之後店員就會給各人遞點菜紙,沾麵有分2種重量:普通180g,大280g加$15 如果拉麵就有分麵的軟度及粗幼度 餐牌上看到海膽沾麵就深深被吸引,而且個湯係芝士海膽,有成板海膽!! 「極上芝士海膽沾麵」$148我覺得都算合理,唔貴!! 如果沒有1板海膽就要$88 不過是期間限定,未必每天都有!!! 今天幸運地有,所以可以品嘗得到~~ 落單後,在等候期間看看台上的調味用品,仲有一張指導沾麵的食用方法。 一上台,沾麵湯係熱騰騰的,而且是用石鍋上台的,所以要小心,等個湯平靜下來先好開始食。 係呢個時候就睇睇我的海膽,係大大隻既馬糞海膽,色澤好靚,引死人既外表, 所以即時就品嘗了一啖,鮮甜美味,沒有腥臭味,算新鮮!! 之後就用店內介紹的方法食沾麵,先將青檸汁加入麵中,再沾上湯中食,味道香濃; 第2個方式:試試加入黑七味粉,再再沾上湯中食, 多了一份微辣,味道更惹味,而且減少了湯底的膩; 第3個方式:加入黑七味粉,再再沾上湯中,放在匙上再放上海膽, 微辣之餘,海膽味道亦中和了湯底的膩,多了一份輕柔感!! 我覺得第3個方式係最好味!!! 沾麵最重要係掛湯,湯底夠濃郁,味道會偏重一點,所以我好少直接飲湯。 呢個芝士海膽湯底,內有香濃芝士,當然都會見到海膽,更有一點叉燒,好足料!! 最後食完麵當然仲會有點湯剩下, 這個時候就可以叫店員幫我加入木魚湯,就可以連湯底都飲埋 我呢款芝士海膽湯底加入木魚湯之後,變成了牛乳湯咁,又幾好味喎!! OPENRICE LINK: https://www.openrice.com/zh/hongkong/review/%E5%87%BA%E5%91%BC%E6%84%8F%E6%96%99%E4%B9%8B%E5%A4%96%E7%9A%84%E5%A5%BD-e2708498 文章屬個人分享及感受,大家皮膚不同性質, 適合與否都要自己親身試過才知道的。 希望大家喜歡今次的分享~給我一個支持, 請Like my facebook page吧~ 金魚自由遊 Elyse Fish https://www.facebook.com/elyse214