假期最後1天，發現自己好耐無食All Day Breakfast 所以一起身就同男朋友講，我要食All Day Breakfast 但在不熟悉上水的我來說就交給男朋友搵， 但其實男朋友都係上OPENRICE 搵 之後就揀左位於粉嶺的La Kaffa，上水搭的士過去真係好快！！ 12點就開，我地就12點4到去到，點知都都已經好多人， 但都有吉位，但侍應就叫我地等等，咁就等等啦， 點知５分鐘後就問我們就問我地搭唔搭台。 其實一早問不就可以嗎？ 坐低第１件事當然係睇All Day Breakfast， 平時餐廳最多都係得２款選擇，呢間就有成１１款選擇 睇好餐牌就要去櫃面自己落Order 拎返個號碼牌就可以返埋位等，約５分鐘到就慢慢上飲品， 之後就再上食物，都算幾快，因為都幾多客人。 本身會附送熱/凍既奶茶/紅茶/綠茶，或者加錢飲其他咖啡選擇， 而想飲其他飲品都可以，可以有減$10既折扣優惠。 所以我就ORDER左杯正價$30既「棉棉朱古力」，即係加$20。 好多棉花糖係熱騰騰既朱古力面，更灑上可可粉， 而棉花糖係半溶狀態之下，能拉出糖絲，好溫暖。 主菜黎啦$59「皇室班尼迪蛋」，我仲加左$12要多條牛肉腸 整體都算ＯＫ，我想係食材本身好，但食物都係微溫，唔係熱騰騰，有點失望。 我覺得菜色加一點調味的話會更好。 OPENRICE LINK: https://www.openrice.com/zh/hongkong/review/%E5%A4%9A%E6%AC%BE%E9%81%B8%E6%93%87%E7%9A%84all-day-breakfast-e2705931 文章屬個人分享及感受，大家皮膚不同性質， 適合與否都要自己親身試過才知道的。 希望大家喜歡今次的分享～給我一個支持， 請Like my facebook page吧~ 金魚自由遊 Elyse Fish https://www.facebook.com/elyse214
