夏季嘅「北海道」可以欣賞薰衣草田，咁嚟到10月份秋天，又有乜嘢花草樹木值得觀看？答案就係睇紅艷艷嘅波波草 北海道去邊到睇波波草？答案就係👇北海道 ~ 夕張【由仁花園Yuni Garden】🔽營業時間：🔽門票收費：🔽公共交通：（請睇本文尾段之連結）下圖呢座就係花園嘅主建築，非常有英式風情「Yuni Garden」佔地約14 公頃，相當於約140,000 平方公尺，呢個花園以其英式風格嘅庭園設計聞名，有5個主題花園，例如有『玫瑰花園』和『香水花園』.....等 主建築裏面有商店、餐廳，仲有製作風箏嘅DIY、花卉明信片製作體驗 出發去花園前，首先望下個地圖先 離遠已經見到一堆堆紅色嘅波波草 園區有32,000粒圓碌碌嘅波波草（掃帚草），好彩而家影相唔使菲林，如果唔係曬相都曬窮 波波草通常種植嘅高度，會控制在1公尺以內，以維持圓球形狀 一個個紅色的波波草，真係非常可愛😍 以上見到嘅波波草都係生長喺近入口嘅平地上跟住我哋就行去園區另一區，欣賞生長在唔同高度嘅波波草 另一邊園區嘅波波草在眼前了💯 雖然日本最大波波草種植場，係位於「茨城縣」嘅「國營常陸海濱公園」 但每年10月就吸引數十萬遊客朝聖，都唔知影人定影波波草好😱 嚟呢度雖然睇波波草嘅面積無咁大，但就勝在無咁多人，鏡頭遷就下，都可以影到純花田照，而唔係人山人海照🤭 這邊嘅波波草有大有小，好似一個家族中成員，有老、中、青、幼兒一樣 呢邊仲設有個「Yuni Garden」大相框，可以影埋波波草入鏡 跟住就再向前行去「Yuni Garden」嘅教堂「Yuni Garden」嘅教堂，設計得非常有田園氣息大家嚟到都不要錯過哦 本篇更多詳情請觀看以下連結👇https://elsatse88.blogspot.com/2025/07/yuni-garden.html✅follow：📌facebook👉https://www.facebook.com/elsatse88.blogspot📌threads👉https://www.threads.com/@elsatse88hk
