喺「錢型展望台」開車落山，好快就到達我哋今晚入住的酒店 ~Hotel O. Setouchi（ホテルオー瀬戸内、ホテルO.瀬戸内）酒店資訊 🔻公共交通：（請觀看本文尾段之連結）酒店就在「琴彈迴廊」範圍，自駕朋友嘅車可以泊喺「琴彈迴廊」，係免費停車場唷！有成50個車位，自駕完全唔使煩惱泊車問題 酒店位置真係超近海，隔籬就係「有明海灘」（Ariake-hama Beach） ，行過去唔使5分鐘 。沿住海邊行一陣，就可以去到著名景點「琴弾公園」同埋「銭形砂繪」 冇錯呀酒店係得一層㗎，係2025年2月先新開張，成間酒店都係得19間房，主打精品精緻路線，由於房唔多，真係唔係咁容易book到㗎 入到reception已經覺得似喺屋企，非常令人放鬆的設計 我真係超級喜歡呢種設計，無太多嘅金碧輝煌，簡簡單單又乾淨，真係令人有滿滿的溫馨感😍 喺Reception呢邊仲有免費咖啡供應 連搽臉嘅保養品亦都有提供，而且仲要係Pola呢個品牌 去房間所經過的走廊充滿光線，就算夜晚無陽光，但燈光十分充足，不會黑漆漆 我哋今次就訂左雙床房『Hiuchi』 房間有獨立嘅沖涼間，雖然冇浴缸，因為酒店傍邊有免費溫泉供應，所以房間嘅設施就不設置浴缸 浴室嘅斜對面就係洗手間，真正獨立嘅空間 盥洗間就設置在外面 「Hiuchi」 (Twin Room)有24.9平方米，擺咗兩張床之後，都仲有好多空間剩 房間有落地窗連接庭園，所以日頭嘅光線非常足夠 每個房間都設有私人木平台（Wood Deck） ，望出去係一個好有設計感嘅日式中庭。雖然望唔到海，但望住個庭園嘅綠意，一樣咁療癒 酒店與天然溫泉「琴彈迴廊」合作，住客可免費享用溫泉設施，Check in時會附有溫泉卷，那就可以在「琴彈迴廊」任浸溫泉，（就算第二日退咗房，仍然可以繼續使用溫泉設施，簡單啲講即係住一晚就包兩日浸溫泉） 酒店最強嘅賣點，就係可以免費使用隔籬嘅「琴弾廻廊」。呢度唔係普通大浴場咁簡單，而係一個超大型溫泉設施 ！係2024年才進行了翻修，夠曬新淨，呢度有多樣化嘅浴池，泉水係『鈣-鈉氯化物泉』嘅療養泉，對神經痛、關節痛、手腳冰冷都有幫助👇下圖出自：ホテルオー瀬戸内、ホテルO.瀬戸内 晚餐我哋都係幫襯「琴彈迴廊」 我哋今次就點咗「香川」嘅特色食物（橄欖牛），肉質軟嫩冇騷味，都算唔錯嘅口感，不過我都係鍾意（神戶牛）多啲😅 係咁乾淨又舒適嘅酒店瞓覺，當然好瞓到一夜無夢到天光，跟住就同大家講埋個早餐，如果有訂早餐，入住嘅時候，職員就會問你幾點用餐，跟住第二朝就會有專人撳鐘送過嚟早餐供應時間：08:00-10:00 早餐放係野餐籃裡面，您可以在房間內享用，亦可以自己拎去戶外享用，例如花園、附近的公園或者「有明海灘」 早餐都好豐盛同健康㗎，有沙律、南瓜湯、乳酪，同兩大樽生果浸泡嘅營養水 真心推薦呢間酒店俾大家，我哋喺旺季入住，都係1000港幣左右，鍾意浸溫泉嘅真係唔好錯過🌅 特別篇：自駕前往「父母濱海岸」（父母ヶ浜）捕捉「天空之鏡」嚟到「觀音寺市」，又點可以錯過鄰近的『日本夕陽絕景No.1』嘅 ~ 父母濱海岸（父母ヶ浜）黃昏大約17:00嘅傍晚，由「Hotel O. Setouchi」自駕出發，開始呢個期待已久嘅日落景點，可以將車泊喺 ~父母ヶ浜 第1駐車場由酒店開車行駛8公里約15分鐘就可以到達景點資訊🔻公共交通：（請觀看本文尾段之連結）我哋揸住車，穿過「仁尾町」嘅小社區，見到海岸線嗰刻，心情已經開始興奮。將車泊好，行出去沙灘，就見到長長嘅海岸線同平靜嘅「瀨戶內海」去到見到停車場差不多都泊滿車，就知呢個景點有幾受歡迎 「父母濱」之所以咁出名，係因為佢喺退潮嘅時候，沙灘上會形成一啲淺淺嘅潟湖 當風平浪靜，呢啲水面就會變成一面巨大嘅鏡子，將天空嘅雲彩同夕陽完美倒影出嚟，形成「天空之鏡」嘅效果，你睇下圖有幾多人在排隊等影「天空之鏡」 當太陽慢慢沉落去「瀨戶內海」，成個天空由金黃色轉變成橙紅色，再變成紫藍色 你哋喜歡日出定日落呢？雖然會有啲傷感，但我都係喜歡日落 最後再多睇這美麗的景色兩眼 黑夜即將來臨，人們又再週而復始的期待日出🌞 本篇更多詳情請觀看以下連結👇📌https://elsatse88.blogspot.com/2026/04/setouchi.html最新旅遊資訊 👇✅follow：📌facebook👉https://www.facebook.com/elsatse88.blogspot📌threads👉https://www.threads.com/@elsatse88hk
