離開「金刀比羅宮」之後，就出發去「觀音寺市」，今日餘下嘅時間同住宿都會喺呢邊度過第二日行程嘅景點 首先📍 第一個景點就係我非常期待嘅 ~高屋神社 ~ 天空鳥居可以將車停泊喺 ~高屋神社（本宮）駐車場 MAPCODE：77 274 062 *67景點資訊地址：香川県観音寺市高屋2800電話：0875-24-2150🔻開放時間：▶️（天空鳥居）可24小時參觀▶️自駕上（天空鳥居）的山路僅在特定時間開放給私人車輛，通常為 9:00-17:00 或 10:00-18:00🔻停車埸資訊、🔻公共交通（請查看文章尾段之連結）好彩我哋都係自駕，如果唔係呢度亦係一個行到氣咳嘅景點，開車嚟到「天空鳥居捷徑」，沿住指示一直開車，就會直达「高屋神社本宮駐車場」 不過呢條山路都非常狹窄，要極小心有對頭車，千萬不要開得太快（要留意星期六、日及假期，呢條山路係會係09：00-17：30封閉不開放，唔想行路就要搭接駁車上去「天空鳥居」） 大約行5公里山路，就會到達「高屋神社本宮駐車場」，呢度大約有十多個停車位 「高屋神社（本宮）」其實仲未到，由下圖中嘅路行上去先係目的地 由呢度開始行220公尺就會到目的地 沿路都係不斷要上斜，影相可能睇唔出呢度有幾斜 已經唔係由山下的「下宮」行上嚟，難怪好多人都話仲難行過「金刀比羅宮」呢度有咩特別風景同精彩吸引點？就係呢個「天空鳥居」就係成個景點嘅靈魂所在！ 巨大嘅鳥居就咁矗立喺山頂懸崖邊，背景係一望無際嘅「瀨戶內海」同成個「觀音寺市」嘅街景 喺2018年「天空鳥居」被選為『四國88景』之一 由山腳嘅「下官」開始行，沿住參道行上山頂，要挑戰難行嘅斜路同270級樓梯，用時大約50分鐘，路況係不斷嘅上斜同樓梯，再講一次：『全世界都話難行過「金刀比羅宮」』 去完「天空鳥居」落番山，一定要去埋附近嘅「錢形展望台」。呢度嘅重點係地上一個超大嘅銅錢！ 📍 第二站：錢形展望台景點資訊地址：香川県観音寺市有明町14電話：0875-24-2150（觀音寺市觀光協會）開放時間：24小時停車收費：有免費停車場🔻公共交通（請查看文章尾段之連結）銭形展望台 山上駐車場 MAPCODE：77 152 624 *41「錢形展望台」呢邊都設置有停車場 「錢形展望台」就係起喺「琴彈山」嘅山頂，目的係為咗俾你由高處俯瞰山腳下一個巨大嘅砂繪 呢度嘅主角，唔係展望台本身，而係腳下嗰個超級巨型嘅 「寛永通寶」砂繪 ！呢個砂繪有幾大？長度有122米、闊有90米，周長有成345米，真係大到要用「壯觀」嚟形容 據講呢個砂繪係（寬永10年） 西元1633年，當時嘅丸龜藩主生駒高俊，為咗招待賓客，動用咗好多村民一夜之間整出嚟嘅 當地有個有趣嘅傳說，只要你睇過呢個錢形砂繪，就會身體健康、長命百歲，而且一世唔使愁錢 。咁好意頭，大家點可以錯過啊！ 夜晚砂繪仲會著燈，由黃昏到夜晚10點，到時又係另一番風景不過我哋就唔打算喺度睇著燈，因為喺「香川縣」睇日落，點可以唔去「父母濱海岸」 總括嚟講，以上呢兩個景點，集齊左自然絕景、歷史文化、打卡聖地三大元素。無論你係想揾個靚位影相呃Like，定係想感受一下千年神社嘅靈氣，或想睇下古人嘅鬼斧神工，呢度都可以滿足到你下一篇就係講入住喺附近嘅 ~香川 ~ Hotel O. Setouchi渡假Feel住宿、父母濱海岸（父母ヶ浜）「天空之鏡」日落大熱景點真心推薦俾大家嘅住宿，唔貴又有溫泉浸，我同行的兩個朋友讚不絕口，並非一般溫泉酒店可比較（本篇更多詳情請點擊以下連結觀看🔽）https://elsatse88.blogspot.com/2026/03/kanonji.html
