嘟嘟要打半歲針啦 今次一次過要打三支,聽落都驚,打之前都做好晒Reseach,今次打完好大機會會發燒,所以嘟媽都一早拎定4日假,以防有咩反常。 6個月到健康院流程 1. 磅重: 半歲BB可以換左乾片,著一件T-shirt一齊磅。嘟嘟豬依家唔鍾意訓底,成日要坐或企,但姑娘唔比坐,一定要佢訓 ⭐️6個月檢查唔洗度高,但我主動提出,姑娘見得閒都好好幫嘟嘟度埋 2. 見姑娘:今次主要係睇佢既發展進度,先會問下BB平時既飲食,加固如何,有無照顧上既疑難等等。之後會同BB做d小測試。 ⭐️手眼協調:姑娘拎住玩具比嘟嘟,睇下佢識唔識自己拎,拎得實唔實(呢樣對嘟嘟無難度,仲即刻想擺入口食) ⭐️坐: 放嘟嘟係檯面,睇下佢自己識唔識坐,坐得穩唔穩(Pass) ⭐️企: 姑娘會抱住嘟嘟胳肋底比佢企,睇下腳板掂唔掂地,企得直唔直,夠唔夠力(雖然最後都pass左,但嘟嘟一比姑娘抱就喊,好似比人拐左咁) ⭐️講野: 睇吓BB講嘢發音,識唔識模仿(嘟嘟得半Pass, 因為佢黎黎去去都係得個幾個音,未識叫媽媽爸爸) So far全部測試都通過晒,一心諗住冇死,可以等一曬先再返嚟啦,點知姑娘叫我地九個月都要再返去,竟然係因為我體重,生長線落左少少,得20,9個月返去再觀察下。(心諗明明嘟嘟肥到個包咁,又食咁多野,點解都咁輕,諗極都唔明) 3. 打針: 重頭戲黎啦,今次要一口氣打3支。先打左一支係右腳肥大脾,無咩事喎,換另一邊,連續打兩支,即喊。吸取左上次經驗,今次早有準備,約時間時預返飲奶時間,打完針出返去就即刻飲奶+訓覺,和平地渡過左。 禮成。走得。 後記: 今日嘟嘟打完針好好彩,無發燒,我返到屋企都keep住幫佢量,平日都係36.X,第二日見到37.X,即刻貼張退熱貼以防萬一