記得細個嗰陣，有時有啲商場會無端端有個鬼屋攤位，你俾廿蚊，就入去被人嚇番十五分鐘。 但宜家冇呢支歌仔唱啦，啲00後學生哥得番海洋公園一年一度既哈佬喂。 其實…… 大家有冇諗過衝出左香港都可以玩鬼屋？ 我係倫敦玩過呢兩個鬼屋，啲鬼係唔理鬼節定係新年都會開工既，鬼門關全天侯開放！ 第一間要介紹既係London Dungeon。 網址係呢度大家可以自己參考︰http://www.thedungeons.com/london/en/ 但當然唔好expect好似香港啲搭棚鬼屋咁平20蚊啦，入面既製作好認真架。 整體意見就麻麻啦，因為入面係story telling既環節多好多好多……(求你嚇我吧!!!) 不過最後是有surprise的啊，膽小者記得一定要趁住你仲有得揀嗰陣走呀！！！！！ 至於另外一間係London Bridge Experience and Tombs。嗯，全名太長啦，所以以下會簡稱為Tombs既。 網址都搵埋俾你啦︰http://www.thelondonbridgeexperience.com/ 同Dungeon有咩唔同呢，就係story telling(班鬼係度廢嗡講故仔)較少，換言之行路會比較多(鬼會出來嚇你~~~)。 其實講咁多野都係想分享一下自己係Tombs既experience啫(自戀女)……所以…… ))))))))))))))))))))))))))))spoiler...yeah, kinda...((((((((((((((((((((((((((((((( 係咁既，我同兩個friend一齊去玩Tombs。心情已經準備好晒。一入去當然佢又係度講London Bridge故仔諗住發人深省惡補我地既歷史知識……換左N咁多人講完之後，終於黎到「貼錢買難受」既戲玉啦！我地pay左架啦！你盡情忘我地嚇我地啦！ 但遊戲規則係咁既︰每次入去有大概二十人，但唔可以小圈子咁行，要排直線，膊頭搭膊頭咁行。同我地一齊入去嗰十幾個鬼佬鬼婆真係睇得唔嚇得，個個都好似驚到就黎要往生咁，唔敢做頭嗰個。佢地又點知我地呢三個玩鬼屋大既香港人已經摸熟晒啲鬼既心理，要嚇梗係嚇中間，自以為前後都有人做檔箭牌好安全嗰啲無膽鬼啦！ OK入正題。我不嬲都冇所謂企邊既，所以要做隊頭係冇問題既，兩個朋友就緊貼係我後面。一直行，當然啲鬼係冇咩點嚇我地既，但係就係咁聽到後面此起彼落既慘叫聲！ 現場環境係好黑好黑既，就係伸手只見中指咁上下啦，所以真係摸住黎行。咁我一直行，一直行…… 喂，點解道牆濕濕地既…… "Guys, the wall is wet!!!" 我有責任要叫後面啲人小心啲既。 後面既人聽到，跟住再同後面既人重覆"Guys, the wall is wet!!!" 咁我繼續咁行，喂，玩野咩，宜家啲鬼屋興考埋體力？點解條路好似越行越細既……咦，仲有樓梯？？？ "Watch out for the stairs people!!!!!" 我再次大叫。 後面既人當然都好發揮互助互愛既街坊精神，都會提醒後面既人嗰度有"stairs people!!!!" 當我仲掙扎緊點樣去闖呢個難關，條隊突然傳黎陣騷動既力量，我個friend大力拍一拍我，我擰轉身……OMG，點解成條隊調轉行既？？？？？ "Wrong way!!!!!!!!!!!!!!! Wrong way!!!!!!!!!!!!!!!!!!!!" 只見係微弱既燈光低下有個扮異形既鬼楂住支德州電鋸係咁左右揮動大叫"Wrong way!!!!!!!!!!! Wrong way!!!!!!!!!!!!!!!" 唔知隻鬼係咪叫"Wrong way!!!!"叫得太大聲，驚動埋個工作人員入黎帶走我地……原來，我地嗰陣走左入員工通道FML…… 至於如果你想問我Tombs既驚嚇程度有幾誇張，我唔直接答你，我用例子答你…… 所有係我地三個後面既「隊」友走出鬼屋後既表情，係，好似死過番生重獲新生咁…… Facebook page: https://www.facebook.com/ellenpedia
