7月14日(星期六)~蒙地卡羅賭場 今朝一早起身就去o左超市買o野食，因為今日我地要去摩納哥 Monoca，為o左慳番o的$$$，所以要自備午餐，今次nice之旅我地全程選用搭巴士o既方式，不過由於個巴士總站離我地間酒店實係有o的距離，基本上每day都要行餐死。第一站就去到Monoca o既 Mode-Carte Casino(蒙地卡羅賭場)，不過我地無入到去個賭場，只係o係隔離個Game Center兌換o左 €50 玩o左一陣，好好彩，我地居然贏o左 ~~ € 0.8，勁！！賺o左張 postcard，不過為免會蝕落去，我o地都係決定cash out。 ＊不過而家諗返起，如果我o地無收手繼續玩落去，我o地會唔會 ~~ 已經~~~發o左達。 蒙地卡羅賭場 隱士飯店 Hotel Hermitage ~ 隱士飯店是蒙地卡羅最隱密的豪華旅館，飯店內的宴會廳「Belle Epoque」更可比美法國的凡爾賽宮。 豪賭完之後，係時候承擔重任喇！！就係要幫各位香親父老、叔伯兄弟買 LV 袋，開頭有o的唔慣，因為門口o的保安哥哥同o的接待姐姐個樣好似好 cool 咁，不過入到去都覺得o的人好尼斯 ~ nice。到o左午飯時間，我地搵o左個風涼水冷o既地方享用我地o既三文治！Monoca 風景真係好靚，周圍都係豪華建築物。 由於Monoca o既消費實在太高，諗住攪下富豪飯局都攪唔成，此地真係不宜長留，下午時份就速回Nice，之後去o左"quality"食晚餐，形式同Mcdonald差唔多，由於o係南法已有一段日子，唔覺唔覺已經適應o左食百零蚊o野就叫超值。 食飽飽之後沙灘o的人已經閃哂 lu
