7月13日(星期五) 今日要離開阿維儂搭火車到下一站：蔚藍海岸的首府－尼斯。 (火車路線：阿維儂 → 馬賽 → 尼斯) 一開始就遇到件"魚皮"事件，話說我o地開頭以為o係馬賽轉車時間係 11:08 (因為售票員果手字實在寫得太好了，令到我o地以為得12分鐘轉車)，點知咁o岩遇上火車 delay，令到我o地 11:02 先至到馬賽火車站，趕到得番1/2條人命都上唔到我o地以為要搭o既果班火車，於是梗係發哂癲咁周圍搵服務員求救啦！！o係好無助o既情況下突然有位伯伯係咁望住我o地，跟住係咁指住個電腦時刻表同係咁講法文，開頭仲以為佢做乜鬼？？？後來先驚覺原來我地轉車個時間係 12:08，真係魚皮，個售票員寫到個2字成個1字咁，攪到我o地誤會o左。但最後 ~~ 果班火車又係唔知因咩事要 delay，等到成點半鐘先蒲頭。唉！o的火車de完又lay，lay完又de，唔知係咪個同我o地有仇？？次次都要我o地係度呆住等！！！ 嘩！蔚藍海岸果然明不虛傳，我o地架火車由康城一路行，成條蔚藍海岸都睇到，真係好靚。 本來諗住搵到間酒店近火車站就無死，點知住落先知道，無論我o地去邊度，就連走果日去機場，都係要搭巴士，但由酒店行去巴士站o既路途真係好好好~~~~~漫~~~~~長~~~~~每一日都要走到老年咁遠搭巴士。 Nice間酒店雖然無Avignon果間咁靚，不過就勝在夠大，Check o左 in第一時間就梗係搵 supermarker 掃貨啦！Nice不愧為旅遊區，超市o的o野都貴過人。 Villa Victoria Hotel *** o係沙灘行到肚餓，就精選o左一間平平餐廳食飯。之後食飽飽散o左一陣步就返酒店休息了。
