7月10日(星期二) ~ 天氣繼續冷冷冷~~~ 一早起身嘆完個超市早餐就出發，首先當然去攞番架電單車先啦，今日天氣真係凍得令人毛骨悚然~~~仲要坐電單車，真係撞鬼，好彩熱心老板肯借埋件風褸比我著，我先至暖番小小。 ※呢部電單車o係市區行都好地地唔覺有乜o野，但一去到條高速公路果時就真係好鬼恐怖，o的大貨車不停o係我o地身邊閃來閃去，又鬼死咁大風，無時無刻都要同o的風搏鬥，真係吹到成個人都傻哂，仲有係10年都唔見有其他電單車"look"過，真係超異相。 ※不過佢都有一個好處：就係可以亂咁泊位 第一站o黎到卡維儂，但唔知點解一個人都唔見，好似比外星人侵襲完咁，好靜，無乜o野睇，所以只係到此一遊就速閃。 跟住就去 Gordes ~ 尋找傳說中o既天空之城 ~~ 嘩嘩嘩！！！超振撼呀，真係好似拍緊宮崎駿o既天空之城咁 ※旅遊書仔話：「很有理由相信宮崎駿o既天空之城係抄襲Gordes呢幢懸浮o係天空中o既山城。」 點擊圖片放大 亂咁拍好架車，就開始漫遊呢個山城，可惜個傳統市雜已到o左水尾。 點擊圖片放大 行o左一陣見到有灘檔售賣夾夾麵包好似唔錯，於是買o黎試下，個腸仔包真係好好味！不過都唔平，兩個飽 + 蕃茄釀玉碎夾埋都要成十幾個€ 食飽飽就繼續上路，繼續去追逐夢寐以求o既薰衣草，我地一路沿住山邊上上又落落，一路就追住條薰衣草，見到喇！見到喇！！！薰衣草田呀！！！好大片呀 ~~~~~~~~~~ 荒地！！！可能因為o的薰衣草仲未"當造"。 現場先知薰衣草田係唔可以o係度扮飛o架，因為勁多蜜蜂，郁得多都驚比佢針，今次我o地係為藝術而犧牲，最後都有冒住生命危險去照o左幾張相 ~ 速閃。 之後參觀o左間修道院出面(入面要比$$$)，o係佢間紀念品店意思意思買o左o的postcard，因為佢大部份係賣o的宗教色彩比較濃o既紀念品 (我宗教色彩比較淡)。 今天的行程就此完結了，由於天氣突然反常，為了安全，今晚 dinner都係買o野返酒店食。 超大個KEBAB + 淡"茂茂"沙律
