7月9日(星期一) ~~ 阿維儂藝術節 ~ 好藝術 今日有愛心早餐食，就係將尋晚食剩果兩塊 Pizza，搵廚房審審幫我o地焗番熱佢。食飽飽就o係酒店門口個巴士站搭巴士 No.11 出市區，之後第一時間就梗係去租車睇薰衣草啦！！點知 ~~ 竟然有間租車公司o既服務員完全唔識英文，我o地手舞足動跳哂舞咁都係溝通唔到，之後去返間大公司Avis問下，本來€450租4日都OK，不過到最後都因為覺得租兩個"look"會比較方便，而選擇了電單車。但由於客滿關係，我o地要聽日先有得用部電單車。So ~~ 今天是公益金步行日~~~ ※但後來超後悔，因為阿維儂o的馬路實在太恐怖了，o的4個"look"不停o係你身邊閃o黎閃去，好驚險。而且十年都唔見有部電單車經過，有o的異相！ 阿維儂藝術節於每年7月初至8月初舉行，這一段期間大約有300場 show在修道院和皇宮等各地表演。 【聖班納齊橋 Pont St-Benezet】~ 原長900米 ，經過戰爭和洪水的連年破壞，目前只剩下斷橋的聖班納齊橋，橋上有座小教堂紀念該橋的守護聖神尼古拉斯(St. Nicolas)。 ※由於上斷橋要€4.5，所以我o地只係o係附近拍照留倩影 【城牆 The Ramparts 】~ 長4430公里 的城牆建於14世紀教皇統治時期，城牆上有39座瞭望塔和7座城門，城牆內14公頃 的土地與建築是法國最大的保留區。 【教皇宮 Palais des Papes 】~ 這座建於14世紀的哥德式皇宮兼城堡，是皇室宮殿、軍事堡壘和教堂等3種建築合而為一的中古世紀建築典範。 行到中午12:00左右就開始搵o野食喇，係廣場附近有大大小小o既餐廳、店鋪同埋亂咁郁o既藝術表現，於是我地就是旦揀o左一間餐牌附有圖片o既地方食lunch，呢餐飯真係食得好悠閒，閒到我都唔記得o係度磨o左幾耐，因為咁大個人都係第一次可以睇到咁多唔駛錢o既表演。由於藝術節關係，呢個廣場變得好熱鬧，無時無刻都有一大堆打扮得花枝招展o既人走o黎走去，唱歌跳舞9唔搭8表演乜都有，就係咁 ~~ 我o地o係度磨o左一個下午。 到o左下午5:30左右就搭巴士回酒店，返到酒店整理下照片，小休o左一陣就出去食dinner，我o地去返 reception姐姐介紹o既果間餐廳食飯，family式經營餐廳，例牌無英文餐牌，無英文人，係亂咁點o既情況下居然比我o地點到兩份一樣o既牛排，只係o的配菜有o的唔同，勁！！！不過好彩味道都唔錯。食飽飽就要行番果條漫漫長路返酒店~~~點解七月都咁鬼凍o架？？？ ~~ 完 ~~
