7月8日 (星期日) ~~~ 第一次感受到歐洲的星期日=死城~~~~~ 今朝一早起身搭地鐵到Gare St-Charles，之後再轉火車到亞維儂。 有時o的黑仔o野要o黎探你，真係擋都擋唔住：話說我地o岩o岩去到個地鐵站，可能因為太晨早，電梯都仲未開動，係無可奈何o既情況下攞住一堆二堆行李，行條長長電梯，行剩唔記得有無5級，突然~~~~有個服務員出現~~~~竟然開郁o左條電梯 ~~ 真係嬲死。 跟住差唔多 9:00 去到火車站，o岩o岩又撞正 08:46 開出o左一班去亞維農o既火車，諗住走去搭巴土啦！點知要成16:00先有車。最終~~~返去排隊買11:29開出o既火車票，就係咁 ~~ o係個火車站度呆等。所以為免再有同類事情發生，我o地已經買埋下一程由亞維農去尼斯o既火車票。 七月是阿維儂藝術節 好不容易o黎到Avignon火車站，以為咩衰o野都自己搭火車走哂，點知衰o野又繼續o黎： 諗住去租車唔駛行得咁辛苦，點知全部租車公司都係星期日休息~~ 真係運吉。 之後拖住大細喼搵巴士站，雖然沿途好多巴士站，但無我地要搭o既No.10(去酒店的巴士)，唔記得行o左幾多百里路先遇到個法國太太指點迷津(依舊講正宗法文)，經過一輪英法交戰後，終於搵到我o地個巴士站。 跟住o係巴士站等下等下，唔覺唔覺一個鐘，之後又半個鐘，等極都唔見可以去酒店架巴士，直到有對男女出現，用唔記得咩o既開場白走埋o黎傾偈，o係閒話家常期間發現原來星期日最後開出o既一班車就係我地面前o既呢班 No.70，危急之際我o地即刻衝o左上車，經過一輪苦戰，司機終於都成功o係酒店附近叫o左我o地落車。 跟住就係多得我o地酒店個 reception 姐姐唔少，佢介紹o左一間經濟實惠o既餐廳比我地，o係飢寒交迫之際仲要行到老年咁遠，先知佢休息，又運吉了~~~~ 阿維儂酒店：HÔTEL ROQUES 不過好彩，沿途竟然發現有間外賣Pizza店，o係無得選擇又唔識睇法文亂點o既情況下，order左一個居然好好味o既 pizza，唉 ~~上天總算對我o地不薄，食第一啖果時真係有o的淚光 ~~ 就係咁渡過了第一個晚上。
