一直都好想去體驗下南法的生活，從誠品書店看到很多關於普羅旺斯的生活美學，一幅絕美的藍本就出現在我的腦海。好 ~~ 下一站：普羅旺斯 ※哈哈 ~~ 其實只是一個懶洋洋的假期，什麼美學都沒有學到 因為要睇薰衣草，所以被迫揀o左旅遊旺季 – 暑假去旅行，機票不用說也是貴得很，加上酒店，唉！簡直是百上加斤。 今次好不幸地揀o左德航，因為只有佢有機位，但佢係我坐過o既航空公司最差o既一間 (雖然唔係坐過好多間)。價錢貴無獨立電視都算，重點係佢o的位安排亂到 9 彩，竟然要我2佬分開坐？怎麼可能？十幾個鐘流流長分開坐？於是一上機就要周圍搵人換位，真討厭 ~~~ 而且仲唔只得我o地係咁，原來好多人上機都係做緊呢個動作，經過幾輪配搭之後，我o地終於各自搵到自己合適的位置。好彩 ~~ 行程：馬賽(1晚) → 阿維儂(5晚) → 尼斯(5晚)、再分支去**摩納哥 *世界上第二小的國家，僅次於梵諦岡，面積僅1.95公里，也是全世界最安全的國家。 由香港飛到馬賽機場已是凌晨時份，所以為o左慳＄＄，又要o係機場瞓一晚。 7月7日(星期六) ~ 馬賽是法國的第一大港，也是普羅旺斯最大的城市。 o係機場乘坐懶豪華機場巴士到達市區的Gare St-Charles，第一時間就梗係去Hotel Edmond RostandC/I o左先啦！(其實所謂o既第一時間已經係行o左好耐先搵到) 呢間酒店個lift真係要介紹一下，佢有2隻拉門，拉到第2隻門準備入去果就比佢個空間嚇親，裡面細到只可容納一個人 + 一件瘦行李，我咩埋個背囊入去都差o的夾住o左，求神拜佛佢千祈唔好困lift，否則~~我相信o係入面應該不會活得長久。 ***Hotel Edmond Rostand：三粒星唔係代表間酒店係三星級，而係代表我地由總站落車行去搵酒店o既辛苦程度有三粒星星，首先唔該司機先生用好正宗o既法文教我地點行，跟住睇地圖又唔知兜o左邊，好彩巧遇當地好心居民指點迷津，才得以找到間酒店，亦幸而今次之行李是為拖o急也 ~~ 不再像希臘的背包客 ~~ 由於房間仍未ready，所以唯有o係港口附近行行企企，順便試下當地特色美食 ~~ 馬賽漁湯。 馬賽魚湯正宗食法 ~~ 先將法國芝士放在麵包上，再浸入漁湯裡，直到麵包滲滿漁湯就可飲用(就好似我o地o既白粥油炸鬼食法)。 ※鳴謝食店老板o既講解 因為太累關係，食飽飽就返了酒店休息，點知一瞓已是日落西山了 ~~ 夜晚食完飯就o係唔知新港定舊港附近行下街，第一天就在渾渾噩噩中渡過了。
