我由以前開始成日好羨慕同學、街上面既女仔頭髮咁柔順、咁靚，陽光下閃令令，真係好似卡通片入面既特效既、又順又令.....不過我自己就天生係所謂既「梳化髮質」，即係又黑又粗又硬又捲，雖然髮量都OK，正正常常，但因為太深色，所以如果去漂髮就要起碼染兩次然後再染......我真係考慮左好多年，最後終於決定為左染粉紅色而去漂髮！其實一直心思思想染淺粉紅好耐，不過首先我啲髮質要上色太難、其次就係勁多人同我講話漂染好傷頭髮、真係好傷頭髮，同埋好快就會變布甸頭，要一直染髮根位......搞到我好驚架，不過女仔都係貪令架啦無計，而且我又覺得自己頭髮多！呢個就係我惡夢開始啦！我真係後悔到而家，首先髮型師同我講就一定要漂2次先上到色，其次就係漂完都唔會好白色，會漂到變金色，因為我頭髮既棕紅色素太多啦，所以之後就算染粉紅色都唔會太淺，會變左金啡粉紅喎......咁我去到去左，正所謂已經洗濕左個頭所以我都頂硬上。染完之後就發生左呢幾件事：無咩粉紅色，染出黎就是深金啡，同我想像中好大分別頭髮爛曬、瘋狂開叉，髮尾爛到你唔信！一星期之後就開始甩色髮根位好快就生返黑色出黎，而且......髮根生出黎啲頭髮變得好脆、好軟幼，頭皮又突然變超油，有時頭皮仲勁痕，又有頭皮又出油，成個頭皮變得好奇怪，又油又乾咁，我真係完全不知可以用咩洗頭水，控油洗頭水又乾到痕、其他又補濕得滯搞到個頭好油.......終於我頂唔順，都係要去求救！首先我去左搵天后代言、好似好型格既Oasis Hair Spa！推薦生髮中心：Oasis Hair Spa 全方位頭皮及髮絲激活再生療程其實我有做開facial，所以知道oasis近年愈黎愈「踩過界」，因為我之前係去過Oasis試過優惠價去打斑，覺得佢地鋪雖然唔大，但都幾pro幾nice架，有啲好感，所以第一間就揀左Oasis Hair Spa！Oasis Hair Spa佢地個療程就叫全方位頭皮及髮絲激活再生療程，試做價就280，佢地話正價就5k1，咁正價呢啲野聽完就算啦！大家都知個個唔會係正價。療程分3 Part（佢地官網寫左）：超聲波深層去垢：超聲波震動原理產生空化作用，令頭皮污垢失去吸附力而大量脫落，令毛囊細胞享受前所未有的清爽透氣！紅外線防脫髮： 以「生命之光」著稱的遠紅外線，溫和加強毛囊細胞，促進血液循環，強化細胞組織生命力，抵禦因化學污染為毛囊帶來的傷害，從根底防脫髮！微電流生髮活髮：微電流(生物電流)配合3色光(紅-血液循環、藍-抗菌、粉紅-舒緩疲勞)，刺激細胞再生，恢復頭皮組織健康，達至生髮活髮！OK，其實我去Oasis Hair Spa之前唔太清楚究竟我頭皮出咩事、佢地咩療程可以幫到我，但總之去左Oasis Hair Spa先啦，我最主要都係想去做頭皮檢測！佢地話我個頭好多頭油，油脂堵塞曬頭皮毛孔呀，再咁落去一定會大脫髮架！而且頭髮染爛曬、而髮根位新生既頭髮都超級脆弱......OK，總之佢地推薦之下我就試左個全方位頭皮及髮絲激活再生療程（本來就打算試做呢個）3個steps其實做個陣都無咩感覺，但做完之後我頭皮就痕到x街！我都唔知點解會咁？而且我都知佢地檢查同用機頭做既時候都好小心翼翼，但拉扯之後我都係甩左啲頭髮......可能就係因為去太多油脂？定係因為個微電流刺激左毛囊？總之真係好痕、好痕好痕......我絕對唔會買Oasis Hair Spa呢個療程就唔在講，由離開到返屋企個程就痕左成程，痕到我好嬲、好躁又好擔心！唔係Oasis Hair Spa個療程唔好，我都覺得280去玩3樣野係好抵，純粹就係唔岩我......我返去洗左頭，用左防敏洗頭水之後先唔再痕......我將去Oasis Hair Spa個情況同FD講左，佢地話覺得我頭皮本身就漂到敏感，應該就發緊炎，唔應該再整色整水喎！可能一增加左血液循環就會令炎症更活躍？血流多左令發炎因子又多左個啲？我覺得佢地都講得岩，於是我就去左食中藥消炎養髮，諗住調理左身體先啦......之後就算個頭點樣布甸，我都唔敢再自己染髮根......因為你唔好話染佢，洗頭梳頭大力少少，已經成札成札咁甩出黎，好恐怖、真係好恐怖，我髮量本身OK，但再多一陣我真係好驚變禿頭變地中海......好彩我上網睇好多人都係因為漂傷頭皮，舊髮根同新生髮都好差好脆弱，一拎就拎左成渣頭髮出黎，我絕對唔係個例.....漂爛頭髮變禿頭，我點自救？我堅持飲中藥、早睡早起、飲食清淡同每朝一杯黑芝麻水，盡量頂住兩日洗一次頭，頭皮就無再痕，但係都好快就出油，慢慢開始新生既頭髮就健壯返一啲啲......但好可惜，髮量就係比以前少左好多，肉眼都見到我髮頂薄左兩層咁......不過呢個世界係無後悔藥食，我唯有努力養髮啦！有朋友介紹左New Beauty個 F8生髮療程比我，佢話New Beauty呢個療程夠簡單，其實就係照低能量生物激光同埋會搽佢地獨家研發既醫學生髮精華，F8生髮療程唔會整色整水喎，做完頭皮都感覺係飲飽水同成個頭都輕左......顧問仲會不時送更加貴、更加好既生髮療程比佢試添！Jm叫到，我就去New Beauty免費試下做F8生髮啦！咁我見F8生髮療程有免費試做、我頭皮又已經無事，咁而家為左生多啲頭髮都試下無壞？其實因為係免費啦，上去之前同做緊既時候都好驚Hardsell，所以每次個顧問過黎我都好草木皆兵......估唔到佢係想幫我加碼療程喎！上去New Beauty既流程我唔再多講，基本都係上網預約、準時去到填資料然後顧問帶你入房去做頭皮檢測分析，跟手就開始叫你試左 F8生髮療程，之後我地再返黎睇效果啦咁樣.....呢個F8生髮療程唔洗洗頭，其實我都鬆左口氣，因為我每次自己洗頭都好小心，驚扯甩得多頭髮，如果比人地洗頭我真係接受唔到。F8生髮療程一開始就係照燈——低能量生物激光，坐喺度照燈係唔會痛既唔洗擔心，然後一開始顧問就話送埋個生髮激光比我試，所以我照完低能量生物激光（其實兩者有咩分別我都唔係太知？）就去訓上床照生髮激光......生髮激光都係唔痛，感覺其實就係似膠原蛋白槍？照到頭皮上就熱熱地，但都係唔會痛亦都唔會有任何傷口既（頭皮環境好潮濕如果有傷口好易發炎架嘛）。幫我做個個姐姐好細心，知道我頭髮爛都會輕輕撥頭髮......真係好nice好溫柔ar！做完送個part激光生髮之後，就會順便幫我搽埋佢地個咩好勁好勁既醫學生髮精華（其實即係生髮水？)咁完成個F8生髮療程梗係要返去見顧問啦，不過因為我無洗頭所以其實就無咩野可以睇到既，我都好開心唔洗再搞個頭皮檢測，因為我一路諗住點樣可以直接走人，個腦基本都諗唔到太到對白，關閉左高級語言功能LOL雖然我真心無咩聽個New Beauty顧問講野，全程嗯嗯嗯嗯，顧問見我呢啲人見得少咩？知道我肯定唔會試完即買，無論講幾多次限定及加碼優惠（雖然真係好吸引），所以佢都好快放我走左（唔好浪費佢時間啦LOL)，不過佢都好認真叫我返去留意下生髮效果再考慮下，可以返黎搵返佢.......佢咁樣講我就覺得佢對自己公司既療程真係好有信心，搞到我都比較有信心！後來其實我有返去買10次F8生髮療程，10次F8生髮療程對生髮養髮黎講真係唔多唔少，因為頭髮唔好既人、髮量少同少年禿、少年白既人都會Keep住做保養頭髮同頭皮既療，就好似做facial咁，有啲人皮膚唔係天生麗質需要保養、有啲人就係頭皮囉......點解我會返頭買F8生髮療程？一黎呢個係朋友推薦既生髮療程，我見佢頭髮的確係保養得幾好（佢頭髮都唔係天生好厚好多個種，頭頂係禿禿地），一直睇佢做左半年頭髮係多左......另外就係佢都幾平，不過就唔係咩2888/10次，因為你上到去唔會淨係買一部機，會買埋生髮激光呀、注氧呀之類(睇佢地為你度身訂造咩plan啦）但價錢無咁抵反而仲安心其實，預左個價錢係合理偏平少少......因為我個plan包之前試過個生髮激光。三黎就係，生髮療程最重要睇效果！我就覺得試做完之後就係頭油少左，做完個一星期有多頭油係顯著出少左，即都無咁多頭皮同頭痕，比我感覺係真係頭皮健康左.....至於BB毛，當然唔會咁快見到有啦，但顧問比我睇好多人Before 同 after 相都係成功生左好多BB毛架，髮際線前返同埋髮量多左就無再禿......希望我一直做呢個F8生髮療程，頭髮就可以變多、頭皮可以健康返啦！漂染髮真係無後悔藥食，希望大家漂染之前三思啦，搞到我咁就好唔抵......雖然頭皮會變好返，但都要搞一段時間，而且頭皮同頭髮無之前咁健康。我懷疑我都至少要養2年先可以回復返以前個狀態？wish me luck！遲少少如果有咩明顯生髮效果我再Happy share！ 大家想養髮生髮又去睇下啦：免費體驗 New Beauty F8 生髮療程
