菅式美容個小顏骨気早排好流行，大家都一定有聽過 !菅式美容個小顏骨気／小顏骨氣到底有冇用呢！（因為太多人唔識打個気字，所以我就返大家，用返個氣字）睇落去就知道！事先聲明，我所有試做療程都係親身上去，如果有試做價我都係真金白銀比，絕對唔好以為我收錢同佢地做廣告！（其實睇內容都知唔係廣告）講下自己塊面先：左右臉輕微唔對稱，而且人愈大，頰邊肉就愈增加，成塊面愈黎就愈圓！主要係想瘦面v面，如果有效既話，我唔介意比多少少錢一次過搞掂佢！菅式美容 小顏骨氣（預約試做價：$980）邊個介紹去：我自己上網搵，whatspp菅式美容去預約對菅式美容既初印象：韓國黎既野好似玩綽頭比較多，雖然菅式美容或且話「整骨瘦面」已經退左流行，但菅式美容仲有咁多間分店，我覺得菅式美容應該有啲料到。另外上網睇到好似日本都有？我見到人地話去日本個間（大家知係邊間日本整骨可以PM我）去到小顏骨氣既印象：菅式美容鋪仔唔大，但個個都好nice咁，鋪仔裝修得都好有日韓feel。做小顏骨氣大概過程：首先會有「骨氣師」幫我睇塊面，話同我分析面型輪廓，咁除左話我左右臉唔對稱（其實好多人左右臉都唔對），其實個骨氣師仲講左好多問題，例如權骨太外擴、下巴骨又好發達......一邊講就會一邊會係我塊面上面劃白線劃格仔。佢愈講愈多，我就愈驚，驚小顏骨氣要整咁多野好痛又驚好貴。好彩今次係試做價，同埋個骨氣師保證首次做小顏骨氣已經有效果睇到！真係做小顏骨氣又係點：未攤上床已經好驚，我係咁問會唔會痛，咁其實骨氣師都淨係可以話會好痠，但未必到痛既，每個人感受都唔一樣咁囉（唔通佢會答你好痛好痛咩，我都明我只不過係自欺欺人）我已經肉隨帖版上，要驚都唔驚得咁多！都係要牙關一咬死就死！跟住菅式美容個整骨師就開始又壓又撥又扯又拉又盛！佢好大力好大力咁按我個鼻，又成個人起跳咁紮上黎按我兩邊側面......我真係痛到嗌出聲，一方面好驚按傷按瘀我，佢地大力到我覺得筋骨都會出事；另一方面成半個人重量死紮上黎，我真係好驚頸椎有事，我條頸不嬲都好差，睇過兩次椎醫扭頸架啦.....我係咁叫佢細力啲、細力啲！佢話「細力呀？細力就無用架啦喎！？」雖然我都預左佢會咁講，但個下真係又驚又痛到笑出聲......完成左小顏骨氣有咩效果：好辛苦先熬完菅式美容呢個特製酷刑，熬完個陣我真係鬆左一口氣唔好話塊面有無瘦左先，真係條頸唔斷我都算贏照鏡見到塊臉係又紅又微微腫但係瘦左，輪廓清晰左，個菅式美容既整骨師係咁話塊臉對稱、即時V面瘦曬......我就覺得好似個下巴推腫左咋喎？咁都叫面型對稱左？佢地話我呢種情況一次唔得，至少要10次，最好兩星期黎一次做小顏骨氣啦，如果ok就要一星期黎一次，我都無好認真聽，因為個心瘋狂say NO，塊面仲好痛，我都無理佢講幾錢一次，好似除開大概千幾一次。大佬，想瘦面有好多方法，唔洗揀個又痛又好易傷到頸椎既......後續：冇買小顏骨氣。上網睇返原來有好多中西醫都有講過，成人骨頭已經成形，好難靠徒手去改善，搞咩菅式美容、小顏骨氣、整骨術個啲充其量就係大力按摩去通淋巴，所以會有即時去水腫既瘦面效果......做完小顏骨氣，我返去塊臉痛足兩日，唔知係咪形住形住，總之講野、食野同瞓覺壓到都好痛......真心，無下次。瘦面有無效事小，傷到事大呀嘛，咪博！Perfect Medical Ultra V Lift PRO 無針埋線（免費體驗）邊個介紹去：我自己上網搵，whatspp Perfect Medical 預約Perfect Medical既初印象：Perfect Medical 好似好出名，當然會用正版機，相信都唔會好hardsell，而且佢地店好似有好多明星代言架，職員質素同療程效果應該有返咁上下去到Perfect Medical既印象：間鋪好大，比我想像中更大，Perfect Medical 個大堂好似五星級酒店大堂，一睇就有金錢味道撲面而黎，仲有個無敵大海景，好多人係梳化玩手提Perfect Medical 做無針埋線 大概過程：Perfect Medical顧問首先就同我做個皮膚分析測試，然後就住我填既資料，兩樣一齊同我講，我覺得咁樣好好，至少有理有據，唔係用粉筆係我面上畫幾下就算，我都唔知你係咪亂畫定點......之後會大致上傾下我有咩面型輪廓同皮膚問題，可以做咩Perfect Medical 療程改善。但都係個人選擇啦，因為我今次係預約上去免費做Perfect Medical無針埋線，咁都係試左無針埋線先。佢地都有話Perfect Medical 個1無針埋線係好岩我做。真係做無針埋線又係點：顧問會有我入房，叫我準備好攤上床先，等陣治療師就會推埋部機一齊入黎！等左一陣就有人招呼我，治療師態度都好nice，邊幫我潔面會邊講解個無針埋線既療程原理同流程既。佢問我知唔知HIFU係咩？知就得啦，無針埋線就似係溫和持續版HIFU，都係用超聲波，但HIFU一年只可以做一次，呢個無針埋線既能量會調得比較溫和，就可以一個月做一次，Keep住效果唔會走樣。潔面之後就開始做，因為係無針埋線免費體驗，一開始好擔心會係咁咦打幾下就算，但結果Perfect Medical 個美容師都好比心機咁打左一round，有啲佢覺得老化得比較嚴重既位，例如蘋果肌同下巴就會多打幾下。總體黎講雖然Perfect Medical 個無針埋線療程好快，但感覺都幾好。完成左Perfect Medical Ultra V Lift PRO 無針埋線有咩效果：做完無針埋線真係有效果睇到，當然因為係免費體驗所以無做足咁多分鐘。但我自己影左before 同 after，所以見到有效果睇到：最明顯係下巴尖左好多、蘋果肌上返去同飽滿左，眼角同嘴角都微向上升左，成塊面感覺係去左水腫。後續：有買Perfect Medical Ultra V Lift PRO 無針埋線，一個療程做半年。因為覺得無針埋線個效果唔錯，同埋Perfect Medical Ultra V Lift PRO 無針埋線用既係科學技術，好科學，個治療師都無按摩或者死按我塊面，純粹就係用超聲波1去幫我去水腫同提升輪廓，美容師話即時有瘦面效果，返去之後仲會有膠原蛋白增生架，咁就可以ｖ面瘦面加抗老保濕......的確，做完無針埋線一星期之後啲皮膚仲好過岩岩做完個陣，毛孔都收細曬，又白又滑。我見個無針埋線既療程價錢好合理，每個月keep住做一次，半年都keep住後生keep住令，個價錢我接受到。 Perfect Medical Ultra V Lift PRO 無針埋線（免費體驗）
