無飯家庭之選@住家菜 地址: 銅鑼灣謝斐道460-462號百達中心地下 有老火湯飲架, 價錢都只是十來元一碗 很大碗,一碗其實都足夠兩個人喝了 當日係青紅蘿蔔煲豬肉 個湯真係好屋企feel 有大量蘿蔔又無加味精 突然耳邊響起"阿女, 煲左湯快d去飲啦" 飲完了都飽了一大半 另外叫了兩個餸 娃娃菜仲保持到菜的爽口 而有汁都偏向似西式白汁 還加了些磨菇同火腿絲加強鹹香 蒜泥腰果炒肉粒(個真名忘了, 哈哈) 好夠火喉又夠入味, 送飯一流 腰果就唔太脆, 如果炸下就好啦 或者焗走d水份再快炒 因為腰果好難整, 一過火就黑黑了 炸過的蒜泥為菜式加添了香氣 仲有糖水送..不過真唔合我胃口啦 我好似貓仔用舌頭沾了兩三下就沒食了 而是日個糖水係西米馬蹄露