此BLOG 只屬個人分享 ================ 幾個POST都未講點樣去開始第一步, 我再唔開就會比D同事打死都似 正題... 初接觸股票, 先要認識自己的投資工具 1. 銀行 / 証劵行 最平渣打, 以買賣本金每次4萬以內算是最平, 點解? 因為銀行的經紀佣金(Brokerage) 9成以上最少是收100元, 一買一賣就已經200元 在初初拎幾千蚊實習買賣時呢d 佣金影響力好大 當5蚊買入1手, 同樣既價錢5蚊賣番出去, 已經輸左200幾蚊手續費 所以練習時最好搵d 平的銀行 / 証劵行買賣, 我所講的買賣是用<網上交易>, 不是電話呢.. 2. 睇股價 通常係 aastock --- http://www.aastocks.com/tc/default.aspx money18 --- http://money18.on.cc/ 3. 開始買賣 再者你可以睇到相關買賣價位 通常買股票前最好諗清楚 買股看什麼? 每個人睇法不同, 全因個人喜好 有的只買藍, 姐係恆指成份股 好似HSBC呢D 要知道股票賺錢輸錢是雙向的, 你贏的錢從何而來? 就是別人輸出來的 我不是報紙上的股評人, 沒有資格去批評什麼股票好什麼不好 只能再說一句 - 全因個人喜好 因為在我眼中, 你有一筆錢去買股D大隻既票等收息, 無錯是穩陣, 可是太慢了, 在我眼中咁樣只可以叫買股票, 不是炒股票 我沒有豐厚的本錢, 也沒緣份做富二代, 只是每個月打工儲幾千咁砌D本金出黎, 如果以"買股票"既方法係股市生存, 我到死個日都應該仲未搵到錢 我會選擇一D風險大得很, 幾萬變幾十萬的股, 人稱倍升股黎玩 朋友常說升10%已經好開心, 可能他們買的是主板藍籌, 因為太大份升跌比較唔會太多 而我平時所看的, 大多是40%或再多以上的創業板細價股票, 因為某些條件可以另這頖股票有爆炸性的上升, 簡稱財技股
