股票, 想羸錢, 第一步一定要學識點樣輸錢 點解? 正如學溜冰一樣, 因為不知道咩叫輸錢, 自己會唔識節制, 隨時輸到要跳樓 輪, 金, 股票 呢3種我都有接觸過 輪: 買過萬靚蚊, 當時係買HSBC 同埋AIA , 認識到咩叫股票變廢紙 金: 當時金價由1800 跌到 1500, 交左大約7萬學費 呢2種都唔建議玩, 因為心血小D都唔得, 當然要玩就要有個心理準備可以承受到一夜之間冇幾萬蚊 現實中我看錢好重, 但實際上我看得較輕, 因為冇生活壓力, 不借人錢不欠卡數屋企免強夠生活, 正正是御宅男的寫照 點解要炒股? 我話免強夠生活姐, 屋企唔係幾百萬儲備麻, 點都要靠自己搵錢既, 打份工萬多D人工, 係香港點生活? 不過炒股的前提, 最好是你有一份固定的工作, 點解? 因為你每月都有收入, 唔好咁易打算股票當飯食, 個市升可能唔夠有問題, 但係跌個時你冇工作, 平時食飯靠D咩? 除非你好有家底 由最初每次買賣賺幾百, 到每次買賣賺幾千, 到宜加每次買賣賺幾萬, 呢條路真係好長遠....諗起黎都係辛苦, 不過值得 很多舊同事, 同學, 朋友都搵過我出黎SELL 基金 由20歲聽到30歲,SELL基金的對白我諗我熟到識背了, 真係有用的話, 我一早買了, 可能我比較固執, 慢慢已經沒有再出席這些基金飯局
