電視劇武則天雖播完，但熱潮未減。後宮內爾虞我詐，爭權奪位，看到人心亦寒。但原來這些事情，日日也在上演。茄菇們如果要升職做阿姐，亦難免一場腸風血雨。筆者年資嚐淺，還未需要參與刀光劍影，但日後恐怕也難明哲保身。 從前乘務長purser只要夠年資而公司有promtion，就能夠公平公開申請面試成為高級乘務長senior purser。現在遊戲改變，就好似後宮甄選一樣，必須被選中參與培訓，過五關，斬六將才能有晋升機會。能夠被選中當然是榮幸，未被選中的當然只可以再等等，但心中難免翻起巨浪。 那末小小的茄菇們的仕途又如何？ 要飛黃騰達或攀上枝頭，最基本的當然是就鞠躬盡瘁，死而後已，即係有病都唔好port sick 羅！繼而要上京參與朝政，即係要你趨炎附勢玩埋堆做"公司人"羅！ 亦要精忠報國在所不計，即係叫你DO（dayoff）都翻公司幫手羅！ 在飛行工作裡（ in flight）也要表明心跡，即係係甘踢D客填表入會（loyalty program） 羅！ 更要力爭上游，排除異己，即係要你係甘同D客R compliments，證明自己有幾出眾有幾做到野羅！ 唉，後宮雲譎波詭，風雲色變，就如身陷囹圄，只嘆句人在江湖，身不由己。由小茄變中茄，中茄變大茄，一路走來，風聲鶴唳，驀然回首，那人卻在暗角埋伏你。
