有一位很好的朋友叫我寫下去。 今天特別寫這一篇，送給這一位好朋友，紀念曾一起無無聊聊的時光。 8-) 當天的凍，其實很暖(當然要謝謝舒緩經痛的暖包)。 前一天的晚上訂了火車票去CAMBRIDGE，由KING'S CROSS出發，OFFPEAK來回15.85 (朋友真的十分利害，可以每個由倫敦出發去CAMBRIDGE的車站都計過車費，時間，最後選了哈里波波車站) 出發當天，朋友遲到..AGAIN..儘管我不明白，佢已經唔化妝唔梳頭，時間花得耐小小既原因都可能因為佢條超緊身牛仔褲著唔落而花多小小時間，照推理佢理應快過我，仲要住係個站附近。不過追究都冇用，因為我同佢嘈親到最後我都唔知自己講緊乜最後就輸左。我幫朋友買左個長法包早餐，仲走埋去睇人排隊扮哈里波波飛車，有位帥兄太大力，成架手推車整爛左，我當堂大笑左出黎，真係太柒頭喇，後面既DIEHARD FANS 果個震撼樣幾令人難忘。而呢個車站，係我黎左英國咁耐，第一次去。 朋友終於黎喇，佢根本就冇化妝，點解都要遲到? 大家急急腳去搭火車，然後比果舊法包比我朋友食。哈哈，原來舊法包係要翻熱架。我朋友就用個好無奈既眼神望住外面的風境。我心諗：呢個人買埋舊包你食都仲可以咁無奈，雖然食唔到姐。哈哈。 大概個半小時就去到CAMBRIDGE。 CAMBRIDGE呀，我有一位好耐冇見既表姐係呢度畢業架。雖然好耐冇見，但都仍然覺得佢好威水。重點佢係靚女。其實呢段野都唔係重點。 CAMBRIDGE呀，好凍。一落車拿拿臨去叮熱個包，然後去左M&S糾纏左好耐(太凍喇太凍喇)。事前其實無查過呢個地方有乜好玩，但都要去下架。係靚架，都幾值一去。如果要同OXFORD比較，我會鍾意呢個地方多小小。 行下行下行到去市中心，我朋友就話食左早餐，但我未食午餐。去到呢個中心點，發現有泰國野食T.T無錯，我真係好鍾意係英國食異國風情菜，係香港又鍾意食歐洲菜架。點解會講呢一間野呢?因為佢既餐具好地道，係用鐵匙架。雖然味道冇咁好味架喇，但可以講係飽肚既。 食完就周圍走，我地兩個咁旅客樣當然會引黎船家既招徠，平時堅持一定唔會中呢D商家計既我地，竟然會比錢上船。 被SELL之前，商人話"學校唔開架喇，冇野做架喇，上船喇。"我地思考左一輪，唉，上船喇。由於時間未到，我地又冇野做，咪走圍行下咯。點知，原來學校係開架，不過係FOR學生。華人既好處係，個樣30歲都可以減番7，即係我係佢眼中只係17歲，未夠秤架，當然我要入去喇，而我個朋友就似我媬娒囉。 深入校園後，我真係覺得呢個地方我真係HANDLE唔黎。 又一個草地 大草地加小橋流水，係度讀書一定，悶死。哈哈哈哈哈哈。然後我十分努力地找康橋，搵呀搵搵呀搵，發現一共有兩條橋。 對面岸 究竟邊一條先係康橋呢? 就係呢個咁美麗既地方思考既時候，咚一聲：呀牙牙，乜鬼康橋姐，CAMBRIDGE 咪康橋咯，搵乜鬼橋姐。我呢D凡夫俗子。只係識得搞下笑，以前有3隻蝦。。。 校園最左面條橋過小小就會見到一舊石。好出名架。背後都有一段故事。故事內容可以百度一下。 舊石 然後再走去另外一邊，朋友十分驚訝，佢發現孔子(好似係一舊石)，佢覺得十分不可思議。佢仲花左好幾分鐘同孔子影相。 孔子 然後就行番去搭船。朋友呢個時候就凍到青左。 原來船真係可以一搭。因為船伕佢講既野雖然我有7成唔明，但沿路既風景太靚了。佢仲講有一條經過既橋係用支點而起的，雖然我可能詮釋有小小錯誤，不過真係好勁架。而且佢都有講呢度既住宿好貴，仲有一D新起而且格格不入既樓宇(如果大家都有機會去到，都可以留意一下。個情況就好似係南生圍突然9唔搭8整座IFC出黎。)途中經過嘆息橋，船伕解說呢一條橋之所以命為嘆息，係因為當考得唔好既學生拎成績表既時候都會嘆住息走。回程果時再經過嘆息橋佢仲扮撞親個頭，嚇到後面既帥奶傻左。我真係好欣賞呢位帥哥既落力演出。 落左船之後又再深入人地既校園行下 ，仲行埋人地條嘆息橋 嘆息橋 。入面真係好靚架。(剛醒起，霍金套戲係咪CAMBRIDGE拍架) 離開校園後好似讀左10年書，同10年無食過飯咁。因為我朋友似乎真係好愛食FISH & CHIPS，所以大家就入左去一間食FISH & CHIPS 既地方度食飯。而我係極之不愛食FISH & CHIPS 同炸雞的，所以我食BEEF PIE :P 大家去到英國一定要食PIE，因為呢一個我叫佢為人間美味。 就係咁。今日過去喇。我呢個朋友真係好好笑的，因為佢個樣成日好忟，但其實我估佢都唔知自己燥D乜。佢笑下咪幾好囉，佢笑咪幾靚女:D。 呢一個小旅行，對於我黎講，係咁多個旅行最唔捨得。我相信無機會同你一齊無憂無慮的出走，而家你仲要嫁左。因為你，我會想念英國的，可惜這個城市裡，從今找不到你，你可是我最愛的英國朋友仔，真係同你相隔好遠呀。祝你一切順利，幸福快樂還有不要忘記我。BTW，你仲爭我個早餐錢。 哈哈哈~ 能認識你真好
