這幾天做的事，不多但卻足以令你疲憊不堪。 這幾天，我們做了很多第一次。 包括：有效地利用網站的幫助去搵屋，第一次打電話比鬼佬問租屋(雖然我係旁聽，但都不禁流汗)，第一次坐倫敦的UNDERGROUND，其實黎緊都仲有好多第一次。 講到搵屋，不得不溫馨提示： 假如你英文半桶水如我，同LANDLORD約睇屋，麻煩大家收線後睇下對方有冇SEND 地址你，如果佢冇SEND，即係可能佢都唔知你打算約佢。 臨出發前都要打比呀LANDLORD CONFIRM一下時間，如果唔係分分鍾食閉門羹。 租屋前都要做多D功課，打開NATIONAL RAIL的地圖，你會見到ZONE 1 - 6， 當然ZONE 1 是租最貴，ZONE 3 開始到 6 就會平架喇。 南部多壞人(聽講)，LEICESTER SQUARE 對下有一條黑線，好雜架( 聽講)。 你上網見到間屋，至緊要睇下網主提供我POST CODE， GOOGLE MAP 一下，看看週邊環境。你同時可以係你既手提電話下載 TUBE MAP (地鐵) 睇下你搵到既心水會位於邊區，搭車又方唔方便呢? 好多地方，你一定要親自去感受個環境，所以有力氣既朋友可以預一整天的時間去睇屋。當然，大家要買ONE DAY TRAVEL 呀! 咁樣你就可以一日無限次進出地鐵去唔同既地區了。我們3個就是去了一個地方，雖然3個人每星期200 POUNDS，住的卻是板間房。天呀!雖然要節儉，但我們不是短途旅行，住得安全十分重要。 網上識朋友，絕對適用於WH。除左靠上網睇，你仲可以靠朋友界紹一D 屋比你去睇下。同埋，識人好重要，佢地先會提供到幫助你同鼓勵既MSG 比你。 但我們3個女孩子，用左第3個方法--仲介。仲介既好處就係你講要求佢幫你搵。我地既要求就係要3個女仔同一間房，倫敦係冇人願意咁租架:P 壞處咪就係要比佣囉。 (我地就是想要3個人一齊住既感覺，決定租兩個月先，遲下再試不同的住法:) 真係每天都有新鮮事。) 要注意一點，呢度租屋有分INC. BILL 同EXC. BILL。 如果唔包BILL，即係你要自己比多幾舊水去交水電上網。 而呢度既租金計法通常係PER WEEK， 你要用WEEK * 52 / 12 。 DEPOSIT 當然都要比喇。 我們曾經去了LEYTONSTONE，這絕對是一個好地方，同外國人一間屋，不過要跟朋友分開兩棟HOUSE住。兩個月後要住這種SHAREHOUSE^^ 其實仲有其他不同的方法去搵屋架，睇下大家想點住:) 多人去可以住STUDIO FLAT，不過有租約限制，要長租的便很合適，但水電煤上網都要靠自己喇。 決定要租了便要影低房相，保障自己麻。然後大家都要去測試一下沖涼房的冷熱水喇，問一下暖氣供應安排喇，問一下同住的朋友是什麼的人喇。 通常LANDLORD 都會主動跟你說跟誰一起住呀。 我們曾參考 : http://http://london.spareroom.co.uk/ (搵屋) http://www.zoopla.co.uk/ (STUDIO FLAT) http://www.nationalrail.co.uk/(TUBE MAP) 其他包括: http://www.gumtree.com (呢個FOR對租屋有經驗既朋友)
