第4日啦! 今日又係一大朝早就起身, 因為要去朝市!! 高山有兩個朝市, 分別係陣屋同宮川朝市 每日6點半就開市, 至到中午12點 想逛朝市既就要早D起身啦 話說個日一朝早落好大雨 D雨大到嘈醒左我... 所以我都可以好準時咁6點幾起身 梳洗一下7點幾就出發!! 根據HOSTEL姐姐建議我先行左陣屋朝市先, 所以我就照跟 一大清早真係人影都唔多個 沿路好多呢D收埋左屋台既位置 高山每年都會有3次屋台祭, 黎緊要11月先舉行, 所以無緣LU... 不過稍後會去到資料館參觀, 個度都睇到好多關於屋台祭既野 繼續漫步高山 真係好慢既漫步, 差唔多半粒鐘先黎到陣屋朝市, 應該係正常兩倍時間掛... 不過咁早冇所謂啦 本身好期待朝市, 始終個個黎高山都話係必去, 而且評價幾高 但黎到陣屋朝市有D失望 一黎規模真係幾細, 應該大約廿檔 二黎大部分都係賣蔬果...而且價錢係正常價 當然朝市本來主要服務對象都係本地人... 因為冇咩野岩我, 只係兜左幾個圈, 停留左一陣 而話明係陣屋朝市, 即係離陣屋好近 冇錯啦, 其實朝市檔口就係正陣屋門前 行完朝市就可以去埋陣屋 不過呢...佢要8點45分先開...而我去到當時只係7點幾... 唯有去其他地方進發先... (心諗早知應該去宮川朝市!!!) 陣屋附近既門 沿路既像 其實個日朝早一邊行一邊想睇下有咩餐廳開左門可以坐下食下早餐... 點知...係冇既 T.T 但我唔想又去便利店買包...唉 唯有挨下肚餓繼續行下先 行行下, 行到國分寺 本來諗住SKIP左佢, 但行到黎不如參觀下 唔好意思影斜左... 入口附近就掛左好多飛驒寶寶, 好打耳呀 再黎飛驒寶寶 隔離仲有許願飛驒寶寶 係我臨走時真係有對日本人好誠心咁同飛驒寶寶許願 自己都俾佢地既誠心嚇一嚇 咁再入去就會見三重塔同寺廟 呢度既三重塔俾人感覺都唔錯, 起碼修輯保存得幾好 其實國分寺好細, 最特別都係有飛驒寶寶係度, 所以好快就參觀完 參觀完國分寺, 就到最期待既宮川朝市!!! 由國分寺行一段小路再過橋就到 宮川朝市我黎啦!! 已經有好多人 一開始已經有幾檔賣飛驒寶寶 (心心眼) 比起我係手信店買既更大/更特別/更抵 早知唔係手信店買!!!><""" 真係好多特別款 很想要啊~~~ 下面貼幾張朝市既情況啦 可以見到無論食物或工藝品種類都比陣屋朝市多好多 當然檔口數量亦多好多 其中仲有條橫町 入面都係其他賣食物手信既檔口 前面仲有D位俾你坐下食野, 因為附近都唔少賣即食/熱食 我都唔執輸, 終於去買野食做早餐 買左個熱辣辣既飛驒牛肉包再加樽高山蘋果汁! 個包真係好熱, 唔似香港個D係溫既 呢個食到尾都係熱架 而蘋果汁亦係好FRESH, 正! 肚子滿足後就繼續逛！ 呢檔係我頭先買蘋果汁既 其實佢主要都係賣一個個蘋果 唔少人會係朝市旁邊既河附近玩， 真係好寫意 差唔多行完朝市之前, 我去返最開頭幫襯婆婆買隻飛驒公仔 呢隻係用線卷埋既, 同普通手信店既款好唔同, 特別同手工味濃好多 而且幫襯婆婆感覺好好多 =) 若果你時間唔多, 只能去其中一個朝市, 強烈建議去宮川! 完左宮川朝市, 就繼續閒逛, 並冇特別路線/目的地, 只係諗住感受下呢度 不過岩岩開始周圍行就落雨... 又黎到一個保存區域 見到D相又開始影到斜...始終另一隻手拎緊遮... 咁岩見到呢度有介紹原來呢度既屋係用防火木起既, 仲有特別既名叫火垣 行行下黎到櫻山八幡宮 周圍都冇人...只係見到一對情侶... 成條街都冇人, 好似空城咁... 雖然係星期日jei, 但都已經朝早9點啦wo 行過呢條街就係高山祭屋台會館 不過我就冇入去, 因為要收費 =P 再行前D就真係八幡宮 隻馬甩色甩到好似喊緊咁.... 呢個亭相對其他建築物顯得好殘舊 因為落住雨, 所以係八幡宮轉左個圈就繼續EXPLORE 下面再貼D我經過既地方先, 因為有D我冇入到去, 所以都唔多講, 睇相啦 =P 離遠已經有D指示牌指示呢度有間昭和館 我對懷舊野都有D興趣, 所以就入左去 入到去會有個地方賣D懷舊小玩具呀, 懷舊小食 本來諗住如果係D懷舊日本小食都想買, 不過大部分都係以前細個係香港食過既... 例如眼鏡朱古力豆 既然細個試過, 咁又變左冇興趣買LU 除左賣野地方, 佢再入會有展館, 但又係收費... 好, 黎下一個景點 之後黎到飛騨高山まちの博物館 呢個係免費館, 咁我一定會參觀 =P 而咁岩個陣又落幾大雨, 快D入去當避下雨先!! 不過我入去個時已經有人參觀完準備走, 真係好早!個時先9點幾 入到去第一感覺係, 點解免費既館環境都咁好既 博物館會將展館由1-14排好, 只要順住次序參觀就得 14個展館分別有介紹高山祭, 高山既建築, 家倶等等 館內其實係嚴禁拍照, 不過冇人又冇職員, 所以我做左衰仔偷影>< 因為咁我都唔放咁多出黎啦 點擊圖片放大 但下面呢張一定要放 因為我去到呢個展館真係有D嚇親 首先呢度感覺好似地下密室 係個地下密室擺放左10幾廿支棒, 而每一支都好大支, 應該有人咁高 真係幾震撼, 而且從來未見過呢D棒, 唔知咩用途 之後佢有D介紹好似話係防火用...@@???至於點用,可能要研究下先 休息地方都好有心思 博物館一樣有庭園 想多D認識高山既朋友一定要黎呢個博物館! 最後我仲吸左博物館印仔做紀念, 相後補 行完博物館出返黎仍然落緊大雨 =( 真係咩MOOD 都冇晒... 寧願急急腳行去有野遮陰既地方 變左少左份享受, 同應該忽略左唔少野... 之後咁岩見到"我樂多市", 咦?咩東東黎? 仲要係每個月既第一個星期日先舉行, 咁都俾我遇到! 咁幸運一定要衝過去睇睇 原來係木家俱市集 之前聽HOSTEL既一個住客講高山既木家俱係好出名 無論手工同品質都好好, 連佢係日本人都特登黎見識下 可惜落住大雨我真係冇心情慢慢睇... 睇睇下個市集發現佢後面有間鋪好得意就入左去睇 裡面原來全部都係手工藝製品, 以木同雀仔做主題 真係好打耳呀 (心心眼) 佢主要將木同雀仔做成磁貼, 每個價錢都好合理 鋪左手邊成幅牆都係磁貼, 除左磁貼都有其他產品既 小資女只買得起磁貼, 所以起勢咁揀左好多做手信!! 買好左手信, 之後都唔使煩 =P 買完野特別開心, 雖然KEEP住落雨... 呢個時候就快快趣去返陣屋度睇 果然晏D就人頭湧湧, 終於感受返人氣 點擊圖片放大 就咁睇相睇D屋既建築好似冇咩特別 但睇下下面呢個牌就知高山陣屋幾厲害! 高山陣屋係唯一現存江戶時代既官府@@ 未黎之前真係唔知原來咁珍貴 不過對於參觀建築物都要入埸費既冇咩興趣...所以... 睇完陣屋門附近既環境又周圍睇下有冇地方食早餐 但都係冇 T.T 而呢個時候醒起郵局應該開左門, 就過一過去 事關我問左HOSTEL姐姐有關金澤唔比我直接寄POSTCARD既事 佢都覺得奇怪, 不過佢叫我今日(即星期日)都可以去郵局, 其實都有開 就係咁, 我又去試下 果然真係有開!但點解網上見話CLOSE既? 原來只係賣商品個邊CLOSE, 如果寄野就冇問題 即係話我星期5特登行過黎高山郵局寄POSTCARD係正確既! 今日先黎係買唔到POSTCARD =P 但今日我係拎住金澤既POSTCARD黎寄, 所以都係冇問題!大成功! 又完成左一個TASK! 之後經過VENDING MACHINE見到有栗米湯, 又諗起有朋友話次次都飲, 就買黎試下 因為佢罐寫HOT, 我真係以為係HOT 點知一飲係凍, 即刻XYZ係腦海 高山大致上都行左一圈, 呢個時候先11點左右 本來BOOK左3點鐘車... 唔想無聊等, 又去BUS CENTRE問12點鐘有冇位 YEAH! 好彩有位, 即刻又轉飛~~ 轉好飛就去HOSTEL拎返個GIP, 比預定早3個鐘返名古屋! 亦即係代表中部呢部分結束LU 因為冇食lunch, 咁岩係lawson 又見到綠茶味曲奇夾心就即刻買左 本身好鍾意食呢隻曲奇， 仲要今次出綠茶味， 真係不能錯過！！ 一程車就食晒 =p 兩點九左右終於到名古屋啦 今次程車有少少delay, 唔知同沿路一直落勁大雨有冇關係 不過都好彩我揀早d 返名古屋， 唔係落巨雨係高山都一樣咩都做唔到 下圖個鐘係名古屋車站標記， 係正出口中間 到左JR 名古屋要揾唔去地鐵東山線， 因為想去hostel check in 先， 而hostel 又係榮 行呀行， 東山線使唔使咁遠呀。。。。 應該都行左10 分鐘先到。。。沿路有鬼死咁多人， 係咁同人逼， 唔講以為黎左mk 到左東山線就搭兩個站, 好快就到榮 黎到榮就係度搵12號出口 榮站都好大, 由閘口行到12號出口都幾遠 到左出口...又係樓梯...好辛苦咁搬上到路面 之後就搵路去HOSTEL 咁一早印好MAP, 跟住就OK 咁網上資料話行8分鐘就到 但實際我自己行應該要DOUBLE時間吧 行到黎HOSTEL門口我已經流晒汗=.= 滿心歡喜黎到發現...下..又係樓梯... 上左一層CHECK IN之後, 仲要搬GIP多2層...因為我住3樓... 呢個時候心入面好多粗口... 話說BOOK呢間都係因為網上評價唔錯 但好似冇人提過佢係咁多層, 而且都係樓梯... 可能大部分黎住既真係BACKPACKERS, 好少好似我咁拎大GIP....=( 真係身水身汗要上到黎3樓, 成身馨恰恰, 好攰!! 而今日我住既DORM係MIXED既, 即男女混合 所以呢次旅程除左第一次住DORM, 亦係第一次男女混宿 咁岩我黎到時有個同房中年台灣男人係度, 又問左幾句, 問識唔識講中文... 唔知點解黎到日本要我講普通話我真係好抗拒 而且條友下午仲留係HOSTEL...覺得佢好怪...完全唔想SHOW佢 咁係我間房入面本身都有個SHARE既TOILET 而隔離房就再有一個TOILET再加沖涼地方 睇埋入面環境! 我又係訓下格 不過要我比較我住既3間HOSTELS, 呢間真係最唔舒服 首先床旁邊床架太高啦, 每次上張床都要跨一跨 同埋窗簾要逐個勾, 唔似其他HOSTELS都係就咁拉埋就得 好啦, 總之執一執返個袋就出去探索名古屋! 出發!! 因為我一早就TARGET左去DAISO, 所以就向住間鋪進發 係網上SEARCH過係三越附近 HOSTEL行過去都唔遠, 只係唔肯定D路 之後行行下又越黎越大雨... 大雨中兜左幾個圈先搵到... 呢間DAISO好低調...係MALL入面既7樓, 但出面完全冇廣告 但其他樓層既店鋪都有廣告... 因為一去到就心急濕平冇影相 不過相對之前, 今次係DAISO買得唔多 好多儲物野都貴左... 而且綠茶食物亦唔多... 最後只係買左12件, 包括第2日既早餐, 飲品, 儲物盒仔, DIY野等 仲有一件好似係HK未見過就係遮套, 內裡有吸水毛巾既 有左佢就唔怕拎住濕既縮骨遮 加上我個幾日經常落雨, 真係岩晒 行完DAISO諗住走人搵食 點知見到樓上係BOOK OFF 話說黎咁多次日本我都冇試過逛BOOK OFF, 今次一於去睇下 呢度有好多2手野, 亦有新品 我首先去睇下衫, 袋, 鞋, 不過冇岩... 之後就去睇下書 好想買到高木直子, 不過正價真係好貴>< 不停搵繪本但都睇唔到, 反而睇到好多漫畫 本來諗住橫點咁平,買本漫畫都好啦 點知最後俾我搵到繪本啦!! 但高木直子既冇咩減價... 反而我見到另一個作者既2手價只係360 YEN! 決定買LU, 始終本來一本繪本都起碼8,900YEN 講真書呢樣野, 買2手既我係冇咩所謂既 濕平完, 心靈已經好滿足, 係時候醫下肚, 不竟餓左成日 >W< 係BOOK OFF時都一直諗緊究竟食名古屋出名既炸豬扒定鰻魚飯 不過後者真係幾貴...唔捨得...都係揀前者啦!! 搵好最近食炸豬扒飯既地方就出發啦! 途中見到有展示好得意既畫, 而且D色彩配搭好分明!唔錯! 好鍾意睇畫=) 不過太肚餓, 冇認真睇繼續衝! 終於黎到餐廳既樓層 周圍既餐廳環境氣氛都唔錯 不過我目標係呢隻豬 矢場既炸豬扒飯 我唔客氣啦, 即刻入左去 毒一人被分去坐BAR枱 三心兩意既我睇左MEMU好耐 最後諗諗下就食豪D, 橫點今日餓左咁耐! 就點左矢場三味 - 會咐兩款醬周埋有鐵板燒 嘩哈哈!即使一個人我都要一次過試晒普通炸豬同鐵板豬!! 等左陣終於黎啦! 上菜時鐵板仲係出晒煙 至於點解呢度豬扒咁出名? 我真係冇研究 但今次一試就知同HK好大分別 睇下橫切面就會知! 每塊豬扒都好均勻咁有瘦肉同肥膏, 咁咬落去就唔會太硬, 而且JUICY! 不過見到肥膏食落肚就會好有罪惡感.... 所以之後我都冇食D肥膏位 >< 食到一半時, 我發現自己可能真係太貪心啦...點咁大份餐 兩份豬扒呀, 真係好鬼飽...越食越慢 但又叫自己唔好浪費, 繼續慢慢食... 終於..終於食晒時....原來仲有甜品...係真材實料既蘋果批 因為真材, 所以細細件都好厚實.... 食埋我已經飽到想嘔... 下次點餐我都係要諗清楚自己食量先~.~ 食飽飽, 捧著個肚周圍郁動下 向著名古屋電視塔進發 不過途中都被商場既摩天輛吸引左 毒一人唔會去坐, 影下相都好 經過榮繁榮既地方, 再行多幾分鐘就到比較靜少少既電視塔前 呢一個係黎名古屋既必到景點...(心諗: 事實上係名古屋冇咩景點=.=) 唔理咁多, 指定動作影全相! 講真夜晚配合住燈光都唔錯既, 而且咁近市區, 值得黎 而我好想同塔合照, 但影黎影去都唔滿意=( 加上附近有叢林又落住毛毛雨, 我企左一陣就俾野咬>< 冇試過係日本俾咁多蚊咬 SOSAD...痕死人... 既然又合照唔到又多蚊, 影左幾張塔既獨照就繼續行 行到塔底見到其實都幾多人排緊隊上去 咁冇諗住上去既我就再行去附近另一景點綠洲21 鵝蛋型配合著燈光都幾靚 燈光上既階梯 氣氛好浪漫 拎隻熊大合照先 遠景影完就上去望下 嘩!上到去原來仲靚 呢度望既電視塔有另一番味道, 比起頭先近睇更美 影呀影呀不停影 但係相機差既關係, 好似影極都唔靚 最後都叫人幫我影, 但都係麻麻地 =( 有時最美回憶只能在腦海中... 好努力再影塔既獨照, 但始終D光都係散散地...=( 睇完名古屋必去景點我又回歸做港女去濕平先 今個旅程冇預到幾多時間濕平, 要買趁呢晚啦 因為冇咩時間再逐間鋪格價, 所以索聲去驚安之殿堂 去到先睇下食品類, 出奇地冇野岩@@"" 之後就去藥妝類, 順便幫人買野 執齊人地個LIST又睇返自己野 不過自己行左好耐都冇咩心動, 有D失望...只係買左D必需品就算, 例如無比滴=P 見時間又唔早就準備俾錢LU 呢個時候竟然有人叫我! 回頭望, 咦~係影相哥哥WO! 竟然咁岩又相遇! 咁有緣? =P 既然係外地有緣撞返, 我地當然又傾下大家既旅程情況 然後就行返去HOSTEL LU 但返去沿路又係落大雨, 拎住一袋二袋真係好麻煩!!!><""" 返到HOSTEL快快趣沖涼執野就睇定之後個日既行程 因為DAY 5既行程又係好緊密!! 大井川我黎啦!!希望好天啦! 第4日完!
