第三日啦！ 今日冇尋日咁早起身， 不過都7點幾起左身 執下野執下樣就諗住把握時間係朝早再係金澤行下 Hostel staff 建議我去武士遺跡， 佢話沿住hostel 附近既運河行15 mins 左右就到 咁我8點3 左右就出發lu! 不過個朝太陽好猛， 而且可能因為我唔識路既關係， 行左好耐， 好鬼熱！ 行左差唔多5個字先到 =.= 之後就入左野村家， 因為周圍好多都9 點先開 武士家當然都有庭園 點擊圖片放大 入面亦放左武士著既甲 入去睇間武士屋要550 Yen 小資女又表示係外圍睇已足夠 點擊圖片放大 +3 附近有唔少武士家跡， 對其有濃厚興既可以慢慢睇 另一家 - 高田家跡 呢個免費入場 一入去又係一個大庭園 點擊圖片放大 +5 有庭園， 仲要有樹有水， 真係好正！ 當然武士係當時既地位高先有咁正既住屋環境啦 之後再介紹唔同房既用途 例如俾馬住 仲有俾下人住 睇完武士遺跡就返hostel 拎埋行李去車站lu 一黎就去bus centre 換飛 今日搭10點50 分去白川鄉 換完飛就去車站附近逛一陣 其中又要去郵局寄postcard 買完諗住寄時職員話因為我呢張唔係regular shape, 一定要用信封入住先寄得！ 下！咁係高山又得？ 咁問佢郵局有冇信封， 佢又話郵局d 信封都唔岩size 叫我去書局買。。。 真係：下！下！下！ 邊有可能郵局出款唔俾就咁寄既postcard 架， 而且之前高山都一樣係irregular 啦。。 費事再同個職員講咁多， 留返之後幾日係其他郵局寄好過！！ 係郵局攪完一大輪已經冇咩時間剩 去左車站商場買d 野食再逛下 金箔mask 筷子！成日見到都好想買對靚既 摺紙 差唔多時間就出去等車 咁岩見到まちBus, 呢架係星期六，日先行駛， 而且100Yen 一程咋！ 可惜我係星期五黎 =( 最後補影金澤車站全境 準時上左車又開始食早餐 呢程好快， 個半鐘左右就會到 今次沿路都提自己記得一落車要拎左行李先！！ 因為呢個係中轉站， 架車走左就真係拎唔返個gip 話咁快，12點左右就到！！ 落車記得拎gip 呀！=) 之後衝去觀光案內所， 諗住揾locker 放低個gip 點知！！lockers 竟然full 晒 !!! T.T 咁點算好， 冇理由等到有空locker... 之後走去問案內所職員， 佢話可以放係佢地office 內 @@!!! 而且只係400Yen, 比起locker 要600Yen 平！lucky! 跟住換埋陣間去高山既飛就開始白川鄉之旅 首先一開始要過吊橋 一黎已經被吊橋吸引就開腳架自拍 不過可能我雞手鴨腳，又走黎走去影， 附近有個男仔過黎話幫我影@@ 有人幫影真係好好多=) 初初諗住幫我影一張已經好感激， 之後佢話可以繼續幫我影 ! 因為佢都係等緊巴士 真係出路遇貴人 =) 叫佢影相哥哥先=p 原來影相哥哥同我一樣都係由hk 黎一個人自遊行 佢一朝早已經黎行晒， 所以佢知有咩影相位 沿路話我知邊度有靚景 =) 過左橋好快又見到一大堆合掌屋， 心心眼 又花又合掌屋好靚！影張先 點擊圖片放大 又係影相位， 到此一遊！ 仲有太陽花 !!! 好靚 一大片草原， 大自然感覺真好 可以係草原中間影相就係影相哥哥話我知 =) 因為影相哥哥要搭點幾鐘車所以就係上展望台前道別， 真係唔該晒！ 之後又開始獨自上山 其實本身條路都唔算斜or 難行 但可能我揹住好重野，加上本身呼吸就麻麻 去到一半真係索氣。。。唯有等呼吸暢順再行 行左10 分鐘左右終於到 全景眺望白川鄉真係好正 =) 如果係雪景應該會仲正 自拍完見到有影相職員就麻煩佢幫我影多張到此一遊 遊完觀景台， 就行下手信店同周圍 見到附近有城跡， 又走去睇下 點擊圖片放大 +3 睇埋城跡就落返山， 繼續行埋其餘一半既白川鄉 合掌屋係草原中真係好正 仲有荷花池 和田家係收費俾你入去睇下合掌屋環境 但我覺得係出面影仲靚， 所以冇入去 之後見到當地名物 - 五平餅， 就買左支試下 其實係醬油米餅， 唔...味道冇咩特別 食完名物， 再係附近逛下 連手信店都好有味道 點擊圖片放大 +2 呢個時候係下午2點幾， 我已經行得7788, 但我book 左5點幾班車先走wo... Um.. 諗諗下不如去觀光所問下可唔可以轉時間啦 横點3點幾個班本來就唔使reserve 所以就過橋行返去對面 問左案內所職員話OK, 咁我拎埋行李就去排隊等車 好多3點幾走呀, 打晒蛇餅, 最後開多班巴士車我地去高山! 就咁我就比原本計劃早左2粒鐘走人 去到高山已經4點幾 到埗首先就去今日住既HOSTEL - Tomaru hostel 呢間hostel好近車站, 所以行幾分鐘已到 入去check in 完, 職員又係逐一介紹hostel入面既設施 又係有旅遊書角 茶同用具都係兔費使用 我又係訓下隔床 =) settle好晒都差唔多5點lu 雖然知道好多鋪5點左右就close, 不過都出去行下先 可以見到街上都冇咩人... 雖然好多鋪都關門, 不過見到有間手信店仲開緊, 就入去睇下 最後買左兩隻飛驒公仔 藍色代表學業, 事業 黃色代表錢財 買完就繼續逛 過左鍛治橋， 好快就到古い並町既區域 呢度好多鋪頭亦好多文化資料館， 黎高山必去呀！ 可惜我黎到得返少量鋪頭仲開緊 點擊圖片放大 見到有間賣飛驒牛雪糕， 又引唔住一試 咦， 見到有昇龍道牌仔， 就順便問係咪有discount 點知真係有， 平50Yen! 小資女平少少都好開心 飛驒牛雪糕真係好濃好滑， 同尋日食既金箔雪糕口感唔太同， 呢個純好多 食完雪糕又周圍行 呢間兔仔店好打耳呀！引唔住入去睇下， 可惜d 野有d 貴 點擊圖片放大 行完兔仔店， 見到飛驒牛手握sushi 店仲開緊門排晒隊 今次目的之一都係想食到佢， 拿拿聲排隊先 可能已經有d 夜， 所以得幾個人排隊， 唔使等好耐就有得食 我揀最基本2件600Yen, 一醬油一鹽味 有埋証明書係門口 試食時間！ 醬油味既唔錯，鹽味就一般， 而且d 肉有d "un" 不過如果俾我揀， 我會想再食返馬肉刺身丼多d =p 食完發現對面有另一間手握sushi店, 不過一早賣晒已關門 之後繼續周圍逛， 附近都好多得意特色野 =) 每一個保護區域都有牌標示 點擊圖片放大 d 建築好古色古香 大約6點幾都差唔多行完， 咁快行完最大原因都係好多鋪已關。。 唯有第二日朝早再黎逛 之後就去揾食啦， 點都要食埋餐dinner 先返去 途中見飛驒紙牌， 一個人唔好意思同佢合照 >< 鍛治橋另一邊既像 臨離開hostel 前， 職員推薦左幾間食飛驒牛同高山拉麵既鋪 本來都諗住食飛驒牛， 不過諗諗下岩岩都食左， 咁不如食高山拉麵啦 最後決定係呢條街入面既拉麵店食 當我行緊既時候， 有意想不到既事發生！！！ 當時突然係我後面有個日本人叫住我 佢應該係上班族, 著得都斯斯文文, 大約三十幾歲 之後同我講話我好cute (心諗唔係掛!) 又問我邊度黎... 最後仲問我一唔一齊入杯野， 話只係要30 分鐘。。。 嘩， 即刻reject 都reject唔切， 覺得一定不懷好意 而且天色已經昏暗， 佢咁樣攪到我有d怕怕, 即刻調轉頭行=.= 就咁浪費左我d 時間， 調頭行另一條路去到拉麵店 - 桔梗屋 原來間鋪都幾傳統道地個種 叫左一碗高山拉麵 餸就係兩塊叉燒咁大把 至於味道， 普通拉麵囉， 不過唔會太咸， 但你問有冇咩特別就真係冇。。。 我又一個人霸成張枱 除左tatami, 仲有bar 枱 食完dinner 就返hostel 啦 夜晚有個住客請飲清酒， 咁我試飲左一杯 好快覺得有d 頭重重 所以同其他住客吹水吹多陣就拿拿聲返房訓 亦準備第四日既行程! 第三日係又驚又喜下就完結啦!
