第2日啦! 因為要搭7點半第一班車上高山, 一朝早6點就起身執返好個樣就出發 之後首先要搵返名鐵BUS COUNTER既位置換飛 咁其實我一早已經係網上面RESERVE左位, 所以都冇咁擔心冇位既 只要係開車前換到飛就OK 不過唔網上RESERVE其實都可以, 但可能要早少少去COUNTER換飛 由HOTEL出發我都搵左陣路先搵到 搵到就衝上去啦!! 去到COUNTER俾張昇龍道PASS + reservation email個職員睇, 咁佢好快就換到張飛俾我 =) 換完飛時其實我見到我搭既呢班7點半名古屋去高山原來FULL晒 所以好似都係RESERVE左穩陣D! 換左飛就係車站到等車 D車好準時就到左 上左車就開始我既早餐啦, 呢個朱古力DONUT都幾飽肚, GOOD! 班車好準時咁係10點20分左右就到左高山啦 不過高山係今日既中轉站咋, 目的地其實係金澤 但由高山去金澤既車要11點25分先開, 所以先換左飛之後就去郵局 =P 不過期間其實有小插曲, 就係架車一到高山, 我好自然衝去換飛 完全唔醒起自己有個GIP!! 行到一半突然醒起, 即刻衝返轉頭! 好彩仲有人拎緊D GIP, 所以架車未走! 好驚險! 點擊圖片放大 但點解特登去郵局? 因為今日係星期5, 但聽日, 即星期六先留係高山, 但星期六同日郵局賣郵品既部分係會CLOSE架!所以如果要買岐阜既當地特色POSTCARD就要趁呢1個鐘啦! 咁預先搵過郵局位置離巴士站都好近, 大約行10分鐘內已到! 終於買到啦 =)第一次自己寄特色POSTCARD!不過呢刻先知寄呢D不規則POSTCARD郵費係NORMAL既3倍=.=...真係好貴呀!!!而本身張POSTCARD都已經係2倍價錢... 不過真係好靚, 唔理LU 寄完postcard就返去車站周圍行下, 好準時11點25分又上車出發 咁去金澤途中會經過白川鄉 同車有班來自香港既中年自遊行, 佢地上車已經大聲傾計 點知去到白川鄉時仲好失禮咁大叫: 嘩, 到啦!好靚呀! =.= 成車好靜架!宜家個個都聽到佢地大叫...真係好醜! 架車到白川鄉會稍作休息, 所以我都落車睇下 點擊圖片放大 真係好靚, 好想快d到聽日周圍影! 大約10分鐘又上返車出發了 沿路都穿過好多tunnel, 不過偶爾都有d靚風景 大約1點40分就到金澤, d巴士都好準時到 之後呢...我又重複犯錯... 一支箭衝左去巴士centre去買1 DAY PASS (500 Yen) 又唔記得左個gip!!! 買完醒起個gip又衝返去!!! 去到見到架巴士開走左, 呀!!我個gip!!! 但即刻發生原來佢將冇人拎既gip會放係車站旁, 不過係冇人看管.. 拿拿聲拖返自己個gip先!! 之後就用張pass搭周遊巴士 金澤既周遊巴士有分向左同右行 咁我第一站係去東茶屋街, 所以要搭向右行 當時冇睇清楚...因為望唔到車出面有寫係向左定右, 加上時間吻合, 就咁上左車 點知...開左車見佢話下一車係近江町....大獲!! 搭左向左.... 唉, d車仲要15分鐘先一班, 如果回程再等下一班車真係浪費好多時間... 咁咁咁...最後決定係近江町落車再行過去! 自己估計都係行15分鐘內 途中經過文化館, 不過唔停留繼續行 最後行左10分鐘左右終於到啦! 東茶屋街就係座落於橋場町 東茶屋街上好多住宅都係重要既文化遺產, 亦可以俾我地睇到古時候當地人既生活情況 其中東茶屋休憩館係免費入場參觀, 有興趣可以入去睇下 點擊圖片放大 仲有庭園 參觀完再轉入主街行 一黎就發現有間鋪頭企滿人@@ 原來係賣好出名既金箔雪糕 金澤其中一樣名產就係金箔, 而佢地好有生意頭腦咁將金箔放係好多物品同食物上 本來都想一試...但見要成891 Yen, 即刻卻步... 唯有睇人食當食左 =( 雖然我唔捨得食, 但其實好多人幫襯, 裡面人頭湧湧!! 唔食雪糕就唯有再周圍影下相 係主街行好快就見到好出名既志摩 對茶屋內部有興趣既不妨可以俾錢入去參觀 而我就興趣一般=p 係外圍感受下就算 雖然好多遊客, 不過條街既感覺俾人都好舒服 可惜我拖住gip, 唔可以用好輕鬆既心情感受... 除左金箔雪糕, 沿路仲見到有賣醬油雪糕, 都幾特別, 不過冇興趣試=p 行到2點8左右就過返去車站搭去金澤JR站 點解我要咁準時? 因為d巴士15分鐘先一班囉=.= 而且我又想趕去參觀兼六園, 時間真係好趕... 返到金澤JR站就向今晚住既hostel進發! 點解我唔一早去放底gip先?因為佢地12點到3點係關門...冇staff既... 所以我要等到3點先去得check in放底行李 =( 由車站行去都唔係好耐, 10分鐘內既距離 到啦!今晚住Pongyi, 網上評價都唔錯! 一去到, staff就俾杯茶我飲先, 再同講解hostel既事宜同設施 之後仲好好人建議我有咩名勝可以睇, 再話我知當日金澤城有夜光show! 只限星期五,六咋! 聽完佢講解我已經急急腳走人, 因為兼六園6點就關啦!!! 而今次去兼六園我唔會再搭錯車架啦!! 因為我已經知道向左同向右係唔同車黎 向左係呢類大車 而向右係呢類細車 去兼六園就要向右 最後4點2先到... 又衝啦!! 去個時唔少人走緊 =( 買飛先! 當我買完飛發現唔少人唔買飛直接行入去 =.= 我係咪蝕左呀... 唔理啦, 睇下景好過 好快就見到個湖景, 就咁已經吸引到我要拎支腳架出黎自拍! 個度仲可以遠望金澤 雖然有map係手, 不過我都係周圍亂行, 想自由地感受下, 好過行check point咁 點擊圖片放大 引唔住同條橋影相 =p 唔知點解我影完又好多人黎影。。。 背住夕陽好正 日本既庭園真係好靚 而兼六園係包含6個原素而命名， 但我就唔多講啦， 有興趣既可以上網search =p 點擊圖片放大 +2 本來呢個噴水咁矮就冇咩特別， 最特別係佢有個牌係隔離寫噴水 =.= 差唔多5點幾行返出黎， 周圍既鋪頭都關門。。想食杯雪糕都唔得。。。 冇野食就唯有直接睇埋係兼六園對面既金澤城 只係一橋之隔， 好近 入面好大， 不過人已不多 點擊圖片放大 想同座城合照， 不過唔識擺post 既我擺左個好奇怪既post.... 點擊圖片放大 近距離又同座城合照 點擊圖片放大 +2 行行下覺得金澤城好似比兼六園仲正！又或者因為漸近黃昏吧 影埋黃昏下既金澤城 =) 好靚！ 呢個時候都差唔多行完金澤城, 但又想等睇NIGHT SHOW 唯有去21世紀美術館進發!! 地圖上黎金澤城好近, 但最大問題又係唔知咩方向行去 初初見到以下建築物係金澤城對面, 仲以為咁快就到? 原來呢座只係用黎聚會宴客既地方... 之後再向前行多幾分鐘, 見到有間賣金箔雪糕@@ 呢杯450 YEN咋wo, 雖然金箔量少D, 不過冇所謂啦, 都係試一試JEI! 即刻入鋪頭買黎食! 有一塊好薄既金箔, 而金箔既味就係有D苦澀味, 冇咩特別 好彩本身杯牛奶雪糕都好好味 =) 買完雪糕再向前行好快就到左美術館 一黎會見到周圍好多藝術裝置 本來我都想影張企入既相。。不過一個人真係有d 難度。。 點擊圖片放大 食完杯雪糕就入去參觀 其中一個展觀係關於望遠鏡 另外又有用鏡， 倒影做主題既 點擊圖片放大 +2 呢d 座位都好有藝術味道 好多人好悠閒咁望住靚景搖下搖下 之後行到其中一間房，見到有個外國人訓晒身咁影相， 究竟攪咩東東？ 原來間房有個天窗， 佢就係度影個天空 其實即使就咁睇都已經忘卻唔少煩惱 睇左陣天， 又周圍行下 行埋紀念品店我都離開lu 之後又向住金澤城方向行 雖然知有night show, 但其實唔知係邊個位攪。。。。 不過係行返去途中， 發現另一邊好多人， 而且好光， 咁我又好好奇咁行左過去 原來係當地啤酒節 有好多賣啤酒同小食既檔口 氣氛好好！如果有朋友我諗我都會hea 下 之後又重拾返正軌， 向金澤城出發 去到已經著晒燈 現場睇真係幾靚 不過我唔肯定咁樣係咪已經係night show, 所以初初我跟人行返座城附近 點知行到黎城前開始落大雨 唯有急急腳調頭走 落返去時發現對面個涼亭好多人， 所以我又行左入去 之後發現有幾個係度set 好晒腳架 咦！唔通呢度就係睇night show? 果然真係！ 呢個亭咁岩對住個庭園同座城 隔一段時間就會有音樂配合唔同燈光曬落係座城度 整體都算唔錯！ 本來係個night show 中我都影左唔少相。。。 可惜初用呢部相機， 用左auto mode, 攪到全部相黑晒 =( 留係腦入面既回憶係最美好既。。=( 下面係庭園近鏡相 咁辛苦睇完night show 就去食野 話說全日都只係沿路咬住d 包， 因為都冇時間食 Dinner 就食好d, 去近江町食 近江町又係好出名食海鮮 朝早經過呢度真係好多人 不過到夜晚市場d 鋪頭都關晒門 只有幾間食肆仲有開 點擊圖片放大 +2 本來網上search 過有間迴轉壽司夜晚都會開， 點知去到都係關門。。 最後係有開既幾間揀左一間 叫左個海鮮丼 賣相普通， 味道一般。。。 都要成千6 Yen 有d 失望。。。 食完略嫌失望既dinner 之後就向今日行程終點站出發 - 金澤駅 點解又返去？因想影夜晚時車站既地標 - 鼓門 一個女仔夜晚係街行， 真係好少人！ 但明明我有巴士pass 做咩唔搭巴士？ 因為周遊巴士其實只係到下午6 點。。日本人真係好work life balance... 行緊既途中突然間大風大雨 簡直行都行唔到， 等左一陣細雨返d 先可以繼續行。。。 好啦，經過風雨， 行左十幾分鐘終於到 首先都要同日頭既作下對比 夜晚既鼓門 有對比之下， 夜晚既真係吸引好多， 不枉特登行去 影完已經差唔多9 點， 又返去hostel lu 返到去時， 咁岩當日hostel 有書法活動未完 所以我都同其他backpackers 參與， 仲傾左唔少計 =) 睇下我地其中既作品！ 未來係我寫架=p 寫完都9點半， 係時候執下野沖個涼就早d 訓 下面貼幾張hostel 既相 我係訓下隔床 Female dorm 既toilet Hostel 大廳 茶同咖啡任飲 我係guest book 都留左言 =) 有旅遊書角， 全日本旅遊資料都有 雖然幾攰又有蝦碌野， 但總算順利！期待第三日！ 第二日完。
