開始呢篇遊記之前, 要講返今次旅程好多既第一次 1. 第一次一個人旅行 雖然之前都有試過一個人係外地獨自逛， 但都係其中1、2日。今次係第一次全程一個女仔去旅行。至於有呢個諗法都係由於識到唔少女仔都好勇敢咁一個人去旅行，俾左好大信心我! 今次又去日本一黎因為係自己最鍾意，而且熟識外，旅費唔貴都係好重要既原因...小資女負擔唔起豪遊>< 2. 第一次住HOSTEL 之前住過民宿，但未試過住DORM，即要同其他陌生人SHARE房個種。當然揀DORM最緊要係平啦，而且RESEARCH期間覺得有D HOSTEL都幾好，有活動，又可以識到其他BACKPACKERS 3. 第一次俾架仔撩 因為本身唔係靚女, 自問好少行街俾人撩...係日本更加冇試過! 但今次竟然俾兩個架仔撩...詳情會係之後既遊記記錄! 4. 第一次用換鏡相機扮PRO影靚景 事關之前都同朋友去旅行, 影相呢PART我都會依賴佢地既相機, 而自己就一直唔捨得買... 但今次PLAN完行程發現今次如果只用CHEAP CHEAP手機影真係會浪費晒, 所以就買左部換鏡機。成個行程要揹兩支鏡, 腳架再加相機D周邊用品...平時既我應該一早攰死! 除左呢D第一次外, 仲有好多好得意既經歷係入面, 之後再慢慢寫 =) 首先講返9月3出發日先 話說呢日出發真係有悲有喜 本來我BOOK既時候唔係公眾假期而且係朝早10點幾既機黎 點知...過左半個月左右, 被通知班機改左差唔多下午2點先起飛 ...=( 當時真係好嬲...因為咁既時間變左第一日就咩都做唔到...唉! 之後過多排, 政府公佈呢日會為慶祝抗戰70週年已定為公眾假期! 嘩, 執到啦, 請少日假, 哈哈! 咁個日一早先去左東涌食下野先再入機場 之後去CHECK IN, 見到好多人排晒隊 不過我一朝早係網上已CHECK IN, 所以可以去PRIORITY個條隊 寄左行李, 拎左BOARDING PASS就周圍閒逛 逛一逛完就好乖乖咁等ONBOARD 上機啦! 班機好FULL...我坐到好後...第25行... 之後聽機長廣播話因為行李安排問題所以遲左少少起飛 最後其實同原訂時間唔係差好多, 不過都夜晚差唔多7點, 所以我都9秒9衝去入境 點知...勁多人勁慢 第一次入境打晒蛇餅...又要得3個COUNTERS...成半粒鐘都未出到去 最後出到去都7點半...第一次行李已經放晒係度等人接收... 之後又9秒9去機場既名鐵COUNTER換昇龍道PASS 因為呢個COUNTER 8點就CLOSE, 所以本身時間都有D緊張... 如果呢度換唔到就要去名古屋車站換LU 我買既係3 DAY PASS (6000 YEN) 本身呢個PASS有包機場往來名古屋, 但因為我係第2日先開始用, 所以都冇用LU 換好PASS就衝去搭出市區 到左名古屋車站都已經8點幾差唔多9點, 所以我都冇咩心情影相, 一心想快D搵到酒店位置 之前聽講名古屋車站好複雜, 果然真係... 問左車站職員, 行到黎名鐵百貨都係唔識之後點行 =( 最後又隨口買左個日本人 不過佢好似都唔係好知係邊, 但佢好好人咁幫我GOOGLE MAP 之後佢仲陪我行過去, 原來佢都係遊客, 來自廣島, 而佢咁岩住係我隔離間HOTEL! 真係好彩! 行左3分鐘左右就到啦 今晚住ECO HOTEL NAGOYA 其實佢好近車站, 只要知係邊個出口出就易好多 揀呢間最主要佢又平又近車站又係獨立房 但最衰RECEPTION係2樓...要搬GIP上 呢間就係我間單人房, 係正2樓唔使再上 間房好細, 一邊係枱, 另一邊就係床, 好彩條通道都夠打開GIP 再影下出面先 每層樓都有洗手間同走廊都有洗手刷牙既空間 除此之外, 佢仲有得免費借熱水煲 至於沖涼房都係共用, 不過就係B1 咁我放低行李當然去醫左肚先 我係條街行左2圈都唔見有咩好野食...係見到好多BAR同卡拉OK 最後去食すき家就算 第一日慳住使, 食個普通牛肉飯就算 食飽飽之後買支Bikkle, 100 Yen咋 而因為第二日要好早出發, 所以返HOTEL途中就買埋早餐 返到HOTEL既時候已經發現當日滿晒房, 仲以為9月唔係旺季, 但成個行程都發現幾多人 返到HOTEL拿拿聲沖涼 沖涼房係SHARE既, 但環境都算唔錯 乾淨而且都有BODY SOAP同SHAMPOO 亦都有風筒, 棉花棒, 連卸妝棉都有 洗完白白, 執一執第二日既行裝就訓覺LU
