Day 7 – 門司港 & 唐戶市場 已經去到尾二呢日啦, 開始唔捨得>< 今日一早又係輕輕鬆鬆9點幾行去搭橫斷 目的地係 - 門司港 貼下車廂入面既相先 話咁快10點9左右就到左門司港啦 又係車站影下先 之後發現車站有一區可以玩COSPLAY@@ 即有車站職員D衫同帽俾我地同D裝置影相 我地係度影左好耐 =P 為左show實際情況, 唯有又自貼啦 佢有黑白兩款同埋大人&小童size, 宜家就自貼黑色小童size呢套 其實每款我地都有著同影, haha 係個站玩左好耐, 終於出站睇下個港口啦 出到去真係傻的嗎, 大風到就黎吹郁我>< 又凍又大風 ><""" 點擊圖片放大 +2 冒住寒風行呀行, 為左既係2條蕉! 呢個係當地著名景點黎架 =.= 同場加映怪獸兩隻 睇完名勝就去搭船lu 準備去下關唐戶市場!yeah! 新鮮美味sushi 我地黎啦 船程好快, 10 min 應該都唔使=.= 咁就4百YEN 落船啦! 行過去途中見到表演 仲同左河豚影相, 期待陣間就去食..kekeke 行左陣終於到啦!! 一入門口又係河豚 嘩!全部睇落都好好味咁, 流晒口水 點擊圖片放大 +3 揀呀揀, 好多人呀 買完上樓上開餐!! 下圖就係我地既大餐 除左sushi, 一定唔少得試名物河豚刺身 不過其實冇咩味, 好似咬橡根咁..試過就OK了 至於蟹湯真係好好飲呀!推薦! 我地兩個都好鍾意!好鮮甜! 而sushi當然都唔差啦! 一邊食一邊望住個市場! 試完唐戶市場既美食, 我地就準備搭返船去門司港頭先我地只係係海港周圍行, 其實仲有好重要好期待既地方未去 邊度? 登登登 - 就係鐵道博物館 點擊圖片放大 期待已久, 急不及待入去... 但係...真係超凍>w< 係戶外只係影左一, 兩張已經頂唔順... 即刻衝左入室內 去到淨係個手信店已經目不暇給@@ 睇左好耐先捨得開始參觀 有得模擬駕駛, 但好多人排而且要額外俾錢...所以冇玩 另一邊有模型 之後係懷舊系列 呢D係舊時車票 仲有便當 仲有儲得好辛苦既印仔 真係好多野睇!!鐵道迷一定會花半日時間係度! 當時都好多當地人一家大細黎, 俾小朋友認識佢地國家既鐵道歷史 睇完博物館, 我地就去揸火車!!gogogo!! 首先呢個迷你鐵道分別有5架車仔 每次玩要300YEN 初初覺得唔係好抵, 不過FD想玩, 咁一齊玩除返開價錢都OK 之後我地為左唔揸個架灰色車仔, 一直係寒風中等有其他人玩 =P 雖然影左藍黃呢架, 但我地其實揸綠色由布院車仔, 哈! 車仔內 我地逼係入面坐同揸, 其實幾分鐘就玩完=.= 但應該好岩細路玩 玩完揸車仔, 我地參觀返D大火車 見到呢架又令我諗起人吉...sosad >< 比較舊既列車可以入去參觀 點擊圖片放大 +2 不過最特別一定係呢架 因為車廂係上下床, 可以訓既 應該係for長途啦 鐵道博物館真係好正呀! 誠意推薦! 玩完晒望下鐘先3點半, 唔通就咁返博多? 又好似已經shopping完 之後我FD 提議不如睇埋另一個outlet, 橫點回程經過 就係咁我地就去埋鳥栖outlet 去到天色已漸暗 落左JR要再轉bus 終於6點多d 到啦 冇咩影相...我地作最後衝刺...因為8點就關門... 其實本身係我FD想睇下再有冇鞋岩佢, 但佢搵唔到岩, 食白果 反而我又買左衫=.= 500YEN一件wo...好大誘惑>< 行到佢關門..總算2大outlets都睇過晒! 安心返博多享用呢次旅程最後既晚餐 咁因為呢個旅程我都係病緊, 去到最後仲好似嚴重左 所以就食健康D 充滿大量蔬菜既麵 @o@ 我叫左呢個600 yen 既set, 有麵有餃子 真係食極都有菜, 好健康呀!正! 食飽忍唔住問藥房姐姐邊隻喉嚨藥好 佢推介呢款, 咁就買左試下 而咁樣亦結束左呢日既行程... 夜晚係酒店忙碌咁執拾... 聽日就最後一日啦>< 好唔捨得!!!
