Day 6 – 搭阿蘇男孩號+熊本縣一遊 今日係行程第6日, 亦係星期六 而我地買既係北九州pass, 唔包我地最想搭既人吉列車 所以我地一心諗住呢日早D去熊本睇人吉, 睇下都好... 我地搭左9點都未到既車去熊本 事關人吉只係特定日子先開, 而每日又得一班車來回... 所以我地一早Check 定時間表, 諗住實冇死, 應該可以同架車影張相留念 點知去到熊本...等呀等, 等到時間都過左都唔見人吉..wuwuwu 點解會咁 T.T 死因不明 而距離搭Aso boy仲有段時間 我地唯有帶住失望既心情落去手信店行下... 熊本縣手信當然就係佢地既吉祥物熊本熊啦 睇下全部都係佢既產品 點擊圖片放大 但我地唔係熊本熊fans, 所以咩都冇買, haha 除左閒逛同試食, 我地買埋市內巴士1day pass, 省返陣間既時間 終於夠鐘搭期待已久既阿蘇男孩號 (Aso Boy) 瘋狂咁影相 首先黎D車身相先 而呢隻狗仔叫Kuro, 黑色咁解, 好得意呀 ^^ 車廂坐位情況 咁一定坐唔定啦, 搵左位就已經又即刻周圍探索 車廂走圍都有Kuro唔同表情既相框, 呢張係我同FD最鍾意既一張 ^^v 之後我keep住幫kuro集郵, 哈哈 真係太多啦, 十幾張都有, 所以都唔貼太多啦 除左集郵, 當然要去呢架最有特色既兒童區域 有波波池, 又有茶道區 仲有圖書區 親子座呀, 真係好得意 車頭同車尾都係呢種180度觀光席, 好正呀! 可惜reserve 唔到呢D位 =( 呢度都有kuro cafe, 又係有賣特產同紀念品 隔離又有得印印仔 又係有手作仔介紹列車 之後又到指定動作 - 同牌仔合照=P Aso boy係往返熊本同阿蘇/宮地, 不過中途係立野會稍為停頓 我地又跟住人群落車影左陣 11點幾12點到左阿蘇啦 之後我地就係個站周圍影下, 又發下呆咁 點擊圖片放大 +2 因為我地對阿蘇火山冇興趣, 所以冇去,而係直接回程返熊本 呢D咪真正既鐵道遊, 純為搭架列車!哈哈! 等左半個鐘左右, 回程車黎啦! 熊本我地黎啦! 到左熊本已經差唔多2點啦, 即刻去上下通搵野食醫肚 黎得熊本就想試下馬肉刺身 但窮家女食唔起貴野, 所以揀呀揀, 揀左呢度 鋪頭唔記得左 =P Menu 海鮮DON 馬肉DON 其實都係生馬肉, 但已經"葉"左料, 所以食落味道唔錯 已馬肉口感好煙UN, 都幾得意, 唔錯 食飽飽就出發去熊本城 係地圖上見城彩苑比較近入口, 所以決定去睇睇先 其實我地對呢度冇咩做research, 所以本來以為係有展覽介紹馬既地方 =.= 點知... 點擊圖片放大 原來係shopping既地方..有食既, 有手信... 不過我地都行左一陣, 又試食左少少, 又同移動之熊本城公仔合照 然後搭shuttle bus 去熊本城 又自貼一張 其實我地冇入到去, 因為要入埸費, 窮家女表示係外圍影下已經滿足 熊本城好快就俾我地睇完 =P 我地又行返去上下通 雖然呢條係熊本縣既shopping街 但因為已去過outlet既我地覺得價錢應該都唔會平得去邊 所以冇抱好大期望 點知俾我地發現到有間又平又靚既鞋鋪>< 我地係個度應該逗留左超過半粒鐘... 試完一對又一對, 每一對都好靚>< 都係1000YEN, 好吸引 最後我好節制咁買左一對, 就係下面呢對PINK PINK, 我FD都有買架 =P 揀左咁耐鞋, 我地去附近歎下cake 補返上下通既snapshots 之後見到呢度D藥妝都平過博多 =( 但已經買左..無理由又買.. 本來以為熊本冇咩野行, 點知都行到差唔多6點鐘 急急腳搭返電車去JR站 影埋佢夜景 離開車返博多仲有D時間, 我地又逛手信店 之後諗諗下, 不如買埋個熊本熊便當, 順便圓埋支水上車歎 我地就係搭呢架新幹線返博多 上到車就開餐啦 唔使十分鐘已經變成下面咁..食晒 兒童餐黎既, 一D都唔飽肚 唯一好處係個便當盒我拎左 =) 因為食唔飽, 我地返博多又要搵食 我地係車站地下街搵食 最後揀左食健康中餐@@ 好惹味, 熱辣辣 但因為個度開左暖氣, 我地食到最後真係覺得太熱=.= 不過幾好味係真既 食飽飽都完左呢日既行程啦, 好滿足呀 =)
