Day 4 - 長崎 因為東橫INN 早餐時間只到9點, 所以我地趕係呢個時間前落去 不過真係就到9點, D食物已經得返好少... 食完慢慢行去搭JR去今日目的地 - 長崎 長崎係咁多日之中需要搭最耐既 我地一齊著新Boot ^^ 沿途睇下野, 又訓下 11點幾12點終於到啦 落車補返車頭先 之後影下車站同車先 點擊圖片放大 準備去探索長崎前, 我地先買好電車Pass 同Cable car tickets 同埋醫肚! 去左車站隔離mall餐廳個層揀 最後揀左呢間 呢Set我既 呢Set我fd既 之後再係商場行左陣就出發啦 出發前, 影一影車站先 去搭電車啦 好快就到左長崎第一站 - 原爆資料館 落左車仲要行段路, 當中有 D斜路 沿途都好靜, 冇咩人咁-_- 究竟D人去晒邊 去到資料館啦 終於有D人 去買入場券先 黎之前睇到網上面D人都話睇到眼濕濕 好啦, 我地都準備好認真咁去參觀同了解呢個可怕既歷史 點擊圖片放大 因為入面環境都幾暗同埋我地都好認真咁睇, 所以都冇咩影相 雖然冇眼濕濕,, 但睇完心情都係有D沉重 戰爭真係好可怕, 而無知既百姓係最無辜 權力既鬥爭下, 偏偏就係百姓作出犧牲 希望世界任何角落既戰爭都可以停止! 參觀左成粒鐘 我地去第二站啦 咁岩見到新型電車, 影底先 我地搭左幾次電車都搭唔到呢架!!! 好啦, 第二站係 - 眼鏡橋 話說呢條橋因為呢個方向望去好似眼鏡而出名 好多人都會行落去河中間D石柱度影相 但我地著住BOOT好似有D危險, 所以冇落去 點擊圖片放大 而附近既諏訪神社其實係長崎都好出名 但我地去過太多神社..已經興趣不大, 加上見到要行好多級樓梯, 所以... 決定到此一遊, 影個入口算 之後去左附近mall閒逛一陣, 我地又再度出發!! 去睇新世界三大夜景之一 - 稻佐山 呢個時間過去就可以捕足埋日落既景色^^ 關於去稻佐山既交通網上面都有唔少說明 但我地都唔揀..首先free shuttle太夜先有, 而我地電車pass又唔包bus... 因此我地決定步行去! 睇過小氣少年教點行, 我地又膽粗粗跟 望到呢塊牌應該已經行左3,4個字=.= 行到呢度又過多7 mins 到啦到啦 衝去搭纜車!!! 入面得4角有位 有個導賞姐姐簡介稻佐山, 但日文未夠班, 唔係好聽得明 上到山啦 先經過呢條咁有氣氛既長廊 之後見到呢對愛情天鵝, 可惜我地係兩個女仔黎=.= 早D上黎好處係睇到天色變化, 好過只係睇到夜景 下圖係我將3張唔同天色影既拼埋一張做對比 不過手機影得麻麻 之後我地繼續吹住風影左好耐, 好凍呀>< 因為我地影相技術麻麻, 初初同夜景既合照都影得唔靚 之後見到有人用自拍神棍, 激發我諗起我可以用手機打燈 果然靚好多!! 自貼一張先 吹住風影左半粒鐘, 任務達成! 雖然都係香港夜景靚d, 不過都好滿意 6點幾搭返纜車走人 呢個時候見到好多人上山, 纜車都逼爆 好彩我地早上, 上車時得幾丁友 落左山又要行半粒鐘先去到電車站... 呢個時候對腳已經攰到冇咩知覺... 好辛苦咁行到 搭去附近mall 買我地既晚餐上車食 我地買左超市D半價野!正! 抵呀! 而個盒吞拿卷我地係買左2盒!! 所以我地係每人食1盒半再加其他野 真係超飽又好味 7點幾上車, 到博多都9點幾lu 真係好彩我地臨時決定早d上山睇夜景 咁就可以早d返酒店休息zzzzz