Day 3 - 小倉+Shopping+驚險的一天 休息左一晚, 我地又一早起身, 未夠7點半就去嘆我地既自助早餐 嘩, 好多選擇呀!!仲有窩夫^^ Yummy! 但我地只係度住一晚T.T 完左咁豐富既早餐就拖GIP搭shuttle bus去車站 再見dormy inn T.T 之後我地就去非常近博多車站既東橫INN 放低行李, 之後咁多日我地都係住呢度 攪掂晒就開始是日行程 我地搭9點幾車出發去小倉 我地對小倉冇咩期望, 純粹為左用盡個5 Day Pass =.= 去小倉好快, 1個鐘左右就到 為左近D小倉城, 我地係西小倉落車 之後慢行10分鐘到就到啦 入口影一影 影埋神社賣野姐姐 8-) 好快就行近小倉城啦 但唔太興奮, 始終個個城差唔多... 而小倉城周邊又冇咩野睇 不過勝在冇咩人 好快就觀光完, 行左一陣隔離個mall 見到童年回憶Sailormoon 本來都想買, 但實在太貴... 個mall 都好廢, 冇咩野睇, 人影都唔多個... 我地好快決定返去博多 =.= 但返去車站途中真係超大風, 又凍wo>< 行左一小段路又入返mall避風 呢個回程比去程應該用多一倍時間 終於去到車站啦, 影一影架車先 不過我地係要搭特急, 見仲有半個鐘, 我地去左站出面既地下超市睇下野 點知就發生左驚險既事 >W< 首先一落到去見到好靚既士多啤梨 正呀!買! 之後我地行下行下, 覺得不如買埋便當慳返時間去行街街 不過...我地有呢個諗法時已經離開車時間大約得返十分鐘!! 我地好快速咁揀... 但仲要等叮@O@!! OMG, 得返幾分鐘, 我地等唔切...叮左陣就急急腳想拎返走 但個收銀姐姐又SERVE緊其他人!! 唯有自己走去開佢微波爐 嘩嘩! 呢一刻得返2分鐘, 9秒9跑返上去! 跑電梯時又跌筷子!!!!嗚~~ 跑呀跑!!跑呀跑!! 好彩趕到最後一刻上到車!! 攰到呢!! 我仲係著住好重既BOOT跑呀!! 辛苦完就開餐啦 但都唔可以慢慢歎, 因為小倉去博多係好快=.= 我地為省時間真係去到好盡 =.="" 話咁快就返黎博多, 宜家先中午咋 好!進攻博多運河城 (Canal City)! 經過尋日係Outlet血拼, 我地抱好大期望 我朋友仲一心想睇下有冇平Timberland boot 到啦!!! 點擊圖片放大 行呀行呀, 都睇唔岩野, 又唔係特別平...ar... Timberland 亦冇平 反而D 波鞋又係好平, 計返都係2百幾蚊港紙@@ 但係我又唔想再買波鞋=_= 如果想買平波鞋既人, 黎呢度一定有收穫! 冇野岩買,唯有影多幾張相算 好失望咁離開左 之後又去地下街逛 地下街真係好多野行, 連住好多Mall, 仲多過沙田, 真係有排睇 之後發現有個mall勁多平鞋@@ D high heel都係千幾YEN但幾靚 可惜我又唔著... 最後我同FD買左同款Boot, haha 登登, 就係下圖 千幾YEN, 雖然唔係最平, 但我地貪佢多粒鈕 =P 行完街街諗住去食野之際, 見到好靚既燈飾係商場出面 基於我地影相技術差...以下既燈飾相真係表現唔到現場既靚景 點擊圖片放大 冒著寒風影左陣我地就走去食野啦 事關之前見到有間任食sushi但冇開, 我地決定呢晚一定要去一試! 去到仲開住呀! gogogo 任食sushi 都估到唔會太好食架啦, 但最過份係全場因為得幾丁友 而咁岩我地入座時, 有幾位其實已經差唔多食飽 咁佢係迴轉sushi, 一定要有人食左一碟先refill返一碟... 到最後得我地食=.= 流轉低變左根本冇咩選擇... 最後我地total食左咁多咋.... sushi 唔好食, 但蒸蛋唔錯 食完晚餐都係8點幾, 今晚我地好早就返酒店休息 準備聽日真正鐵道之旅!!