估唔到大喜屋進駐帝京酒店,呢間主打上湯龍蝦伊麵同北海道海膽,聽聞仲有無限榴槤蓉!餐廳裝潢好有宮廷feel,地方闊落,環境舒適,平日往上都好多人排隊,記得要book位😛 食物款式眾多,刺身、炙燒壽司、卷物、軍艦,大大力推介日本北海道海膽軍艦同蔥拖羅軍艦,鮮甜可口,一口一粒,食多幾嚿已經回本~ 海膽拖羅都係第一次見,但個人prefer分開食!點擊圖片放大 印象深刻嘅有鵝肝多士,超厚一片,外皮微脆,滿滿油脂,好鬼邪惡,一舊已經有啲飽肚,但絕對值得一試、椰皇燕窩燉蛋白同樣出色,熱呼呼,甜度適中,建議加埋榴槤蓉配住食😆 另外可以留肚食花雕醉鮑魚、避風塘炒蟹、泰式黃咖喱炒鮮大頭蝦伴手工薄餅同一品花膠盛,全部經典嘢,出邊閑閑地都幾百蚊,呢度可以任食,質素都有返咁上下,唔錯唔錯!點擊圖片放大 最後食埋出邊嘅甜品,個人喜歡芝士蛋糕脆脆、聖誕節樹頭蛋卷同馬卡龍,食完鹹嘢再食甜嘢中和返整體油膩感、飲品方面一定要飲呢度嘅樽仔奶茶,茶啲香濃,唔甜,好好味! #hk #hkig #hkiger #hkfood #hkfoodpic #hkfoodie #hongkong #food #eatwithfoodiez #香港 #香港美食 #美食 #美食日記 #分享 #食物 #美食推薦 #美食推介 #香港必吃 #香港好去處 #食在香港 #香港探店 #香港美食 #香港打卡 #香港生活#旺角 #旺角美食 #大喜屋 #放題 #日式 #日本料理