位於銅鑼灣嘅《十八夢-Meta Stage》,主打浪漫情調嘅設計。設有一個大大嘅舞台同埋巨形電子屏幕。舞台晚餐時段不時會有駐場歌手,好似我今次去仲可以點歌。兩位歌手啲高音都相當好聽,連Rolling in the deep都唱到,淨係聽唱歌都值回票價。海膽帶子他他採用北海道帶子,加上黑魚籽同埋海膽。再加入柚子醋同埋wasabi。旁邊配上米醬炸紫菜,食法可以先攪拌三種刺身,每一種都有海鮮嘅鮮甜味,再放上炸紫菜,口感會再豐富啲。香煎日式八爪魚配薯蓉八爪魚切成一粒粒,再放上海鮮味薯蓉,再淋上椰菜花蓉整成嘅汁,再放上煙燻嘅西班牙紅椒。估唔到依道菜會有咁多個步驟,八爪魚食落好軟唸,醬汁清新又富海鮮味。磯燒鮑魚脆米意大利飯依款係佢地嘅signature菜式,用左瓦煲去煮意大利飯,鮑魚用左磯燒慢煮,面頭加左脆米,下層就係意大利飯。飯裡面加左蘑菇汁,鮑魚口感軟腍,意大利飯又煙煙韌韌。另外仲食左幾款串燒免治雞肉棒燒白鱔鵪鶉髀伴日本青椒仔豚肉蘆筍另外一定要數佢地Dessert plate,店員講到明要提早預訂,另外仲有生日寫名服務,最特別嘅係每一台嘅Dessert造型都唔同,咁就唔使驚同人地撞款。今期係用左嘉年華機動遊戲擺設,最特別仲識着燈同埋旋轉,滿足晒我啲少女心。裏面有六款甜品:朱古力抹茶蕨餅車輪餅(吉士餡)雲呢拿蛋卷哈密瓜大風紅豆蛋糕聽住浪漫嘅歌曲,坐咗幾個鐘都唔想走。😋💫人均$700如果唔想錯過其他好介紹,記得follow我呀😘多謝大家!!!♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ⃝♡⃝♡⃝♡⃝♡⃝♡⃝十八夢 (銅鑼灣)銅鑼灣登龍街18號V Point 6樓♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ⃝♡⃝♡⃝♡⃝♡⃝♡⃝點擊圖片放大 +12