呢位於尖沙咀嘅川菜館菜式有好多款,有辣蟹🦀、海鮮、串燒🍢、烤魚🐟、雞煲食,好多款式而且價錢唔會話太貴,啱晒鍾意重口味嘅朋友!今次去係衝着佢個一蚊雞煲,平日晚市人均消費$150 (2位起)就可以用一蚊加購雞煲半隻,超級抵!6位以上仲可以加購兩份!Follow同share埋佢哋個IG ,仲送秘製香辣雞翼尖一份!佢哋出咗個海鮮大咖🦑🦐🦞超吸引,好誇張好大盤,人均$300唔洗,成盤入面全部都係高質海鮮,魚蝦蟹乜都有齊,下次同成班朋友嚟試吓佢!------------------------------------------- 🥬◖燒娃娃菜◗ $38/2串揀咗BB辣,娃娃菜燒得少少燶,好香,同時都幾辣!娃娃菜裏面仲keep到水嫩,辣辣地幾過癮!🥒◖燒秋葵◗ $19一串有四條,味道正常~ 🍆◖招牌金銀蒜燒原條茄子◗ $48茄子上面鋪咗超級多蒜蓉,食落都幾辣! 🌶️◖香辣老乾媽燒鮑魚◗ $38$38食到原隻燒嘅鮑魚都幾抵,鮑魚肉質厚實,都幾大隻!上面係啲老乾媽辣椒醬,好夠味好辣! 🐠◖烤煮魽魚◗ $298有三款口味可以揀:香辣、麻辣、泡椒酸菜,今次揀咗BB辣嘅麻辣,唔係太麻,辣味比較出。烤魚嘅鍋底有大豆芽、旺菜、蓮藕片同薯仔,都幾多料~魽魚唔係太大條,已經幫手分咗四份,方便夾黎食,肉質好軟腍入味,魚皮少少香脆帶啲焦香! 🐓◖川味雞煲◗ $1加一蚊就有半隻雞,一定要試吓佢!雞煲辣,你都可以揀,鍋底有海量洋蔥,雞肉份量都唔少,而且煮得入味,雞煲將均勻咁包裹住啲雞件,好惹味!🍵◖津路烏龍茶◗ $22🌟Encore指數:8.5/10-------------------------------------------川味辣蟹·串燒·烤魚·雞煲·專門店📍尖沙咀金巴利道58-60A號金碧閣地舖📞23989608