中上環呢邊有好多朝啡夕酒嘅Cafe（定餐廳？），小店兩層高，環境闊落有格調，大部份都係梳化位，坐得舒服！今次揀咗夜晚去，真係越夜越多人，Menu方面都有唔少選擇，菜式設計一啲都唔馬虎，有比較少見嘅甘鯛魚同蘇格蘭蛋嗰啲，好睇又好食！佢位置喺中環同上環中間，要行返一段路，但環境偏靜舒服，好適合傾計、同朋友約埋飲返兩杯！------------------------------------------- 🐂◖燒牛肉藜麥雜菜沙律◗ $168面頭有好多塊燒牛肉，大概五成熟，鮮嫩粉紅，食落外層燒得夠香，又唔會難咬，夠晒Juicy！底層係藜麥雜豆沙律，撈左啲甜甜酸酸嘅沙律醬，食落飽肚又健康！ 🐟◖炸甘鯛魚配橙甜茴香沙律◗ $238好特別嘅一道菜，甘鯛魚魚鱗炸到勁香脆，魚油豐富，肉質嫩滑！茴香沙律真係第一次試，一片片咁，初頭以為係洋蔥或者椰菜，會有少少草青味～ 🥞◖檸檬伯爵茶pancake配雲呢拿雪糕 ◗ $138外面好脆口，裏面又厚又鬆軟，比較濕潤似蛋糕，仲帶有濃濃嘅蛋香！面頭配一球雲呢拿雪糕同埋檸檬絲，再淋上伯爵茶醬，整體唔會太甜，好清新一啲都唔會覺得膩！ 🥥◖The Hidden Coconut ◗ $63佢啲Cocktail有happy hour價錢！以燒酒做基調，加入少少柚子同椰青水，味道酸酸甜甜，好清新好容易入口！🍑◖Fresh Fruit Peach Tea◗ $50佢係一大支裝嘅白桃茶，裏面真係有粒粒士多啤梨同埋桃肉，果茶茶味偏濃，無加糖，飲到淡淡黎自於水果嘅甜味。🌟Encore指數：9/10-------------------------------------------Le Jardin à Soho📍中環士丹頓街36-36B號地下E號舖📞66018126
