呢間川菜館嘅招牌係秘製自選麻辣鍋，可以自選麻辣鍋，辣度、配料全部有得揀，仲要有好多選擇！除咗麻辣鍋，佢仲有好多其他款式嘅川菜，全部都好足料落好多香料，就算唔食得辣嘅人都有好多選擇！ 🥚◖涼拌黃金皮蛋◗ $48糖心蛋黃勁吸引，黃金皮蛋食落彈牙爽甜，糖心蛋黃仲要好漿口，正！ 🐏◖京蔥羊肉◗ $108份量啱啱好，跟配六張麼麼皮，可以好似片皮鴨咁包住黎食，羊肉均勻沾滿醬汁，充滿住葱嘅香味，咬落去好煙韌，食落羊肉嘅燥味唔會好濃！ 🥘◖招牌香鍋 ◗香鍋可以自己揀辣度，有勁多唔同嘅配料任君選擇，五款配料就可以起鍋！本身想揀小龍蝦，但係冇晒貨，唯有改配海蝦。香鍋底揀咗麻辣嘅小小辣，個鍋有好幾款辣椒同香料，食落唔算辣，配料揀咗海蝦🦐、牛肚🐂、蓮藕仔、魷魚鬚🦑同麵筋條，配料都好入味，麻辣香味十足好夠鑊氣！牛肚煮得好軟腍，肉質唔會梅！蓮藕仔同想像中嘅蓮藕片有少少唔同，原來係超細粒嘅蓮藕，脆口多汁💦，口感似咬緊葱，幾得意。海蝦 $56牛肚 $46蓮藕仔 $42魷魚鬚 $38麵筋條 $26 🍚◖白飯◗ $15🍋◖凍檸茶◗ $18🥃◖酸梅湯◗ $18🌟Encore指數：8.5/10-------------------------------------------麻辣香鍋📍旺角砵蘭街198號地舖📞90359755
