第一站，維港灣餃子坊 今日男人老遠嚟到元朗國，要試嘅就係哩間餃子店，哩間係老友一聽到我出訪元朗就推介我一定要試。 餃子就好似小朋友噤，你質啲咩俾佢，佢就會係啲咩。哩間店都育成咗幾多唔同嘅口味。本身好期待芫荽餃，可惜係令男人失望。可能真係没有期望没有失望，男人對佢其他款式嘅餃係表示好滿足。尤其係佢個鹹蛋黃餃，好有驚喜。 男人覺得佢地煎餃嘅水準係一流，碟碟都煎到一模一樣，嚟得嘅就唔好怕熱氣，食煎餃吧 除咗餃子佢個鯪魚球都好出色，蜆蚧醬真係好好味，大大粒蜆肉。嚟到記得試吓。第二站，法國小屋 第三站，旮旯點擊圖片放大 食物簡單。大排長龍。味道一般。註：招牌卷蛋唔俾外買。卷蛋未到第三輪就賣晒。第四站，元朗燒賣皇后 一粒沒有做過健身的燒賣，用嚟形容哩粒燒賣絕對無誇張。原本結實而富有彈性嘅豬肉，係哩間燒賣身上喺搵唔到，就好似一個男人偷懶唔健身得返一個鬆弛咗嘅胸肌噤，咬落去一啲都唔實在。一粒好嘅燒賣除咗合適嘅調味，啲餡蒸完之後應該係有彈牙嘅口感，啖啖肉要有𡁻頭，噤先叫一粒好燒賣。P.S. 哩間啲辣椒豉油整得唔錯，用嚟掩蓋燒賣不足都叫岩岩好。
