有D唔開心野，令我不顧一切衝左去L'occitane spa。人地唔開心係shopping therapy 我就係spa therapy。唔都好，其實想去好耐但一直見到嗰價錢好卻步 :roll: 今次都係一個好的契機（自我安慰中......）。 我去灣仔個間，有少少難找因佢唔係大街，加上我係大路痴都有D關係.....但打電話去問時店員姐姐都耐心咁講解。 間鋪冇我想像中大，但燈光柔和都幾舒服。我選擇左Deep Tissue Massage 一個半鐘。幾欣賞的係，開始前店員同按摩師會好仔細咁了解清楚我的身體狀況、有冇痛症等。算係幾唔錯。 間房正正常常，冇乜特別，勝在幾大，有少少失望。按摩過程都好舒適，力度的確剛剛好，唔會太細力又唔會痛。差D瞓著。 走的時候都有sell package，但我唔join 一D都冇黑面，抵讚。盛惠大概 $1350。 成個過程老實講，印象唔係好出眾。幾失望連按摩油都冇得揀！呢嗰價錢......感覺唔係好值。如果係我情願俾貴多少少去Lush Spa，起碼嗰記憶點會強好多。
