好想推介下最近去的 The Lush Spa! 本身都有用開Lush 既產品（老實講，佢既洗頭產品真係好好用呀!!!)。咁所以當我見到香港開左Lush Spa覺得好興奮！迫不及待要去試！ 上去佢網頁，原來可以網上book。佢都有好多種Spa既款式，唉呀，點揀呢？所有Treatment佢都寫到好有趣，我好辛苦咁揀左"Hard Days Night"。網頁上既簡介話會用Beatles做背景音樂，按摩既手法係深層拉筋，我之前都未試過！ 抱著期待既心情去到位於中環擺花街既Lush 店鋪。嘩！真係好大座！幾層都係！莫名興奮！好多店員都係外國人。上左去counter 先俾錢，佢話原因係做完按摩之後會好relax，唔想再煩錢的問題。 我的theraptist 喺Isodera, 得佢一個係講廣東話ge。佢的笑容好nice 好真心，我覺得可以將自己交俾佢。迷人的Isodera 帶領我搭一部神袐的lift上到頂層。天呀，嗰環境太舒服了。好…屋企的感覺。有一張長木枱，小陽台，仲有嗰open kitchen tim! 好得意，仲要呢層得一間房，我專享！好VIP 的感覺，連嗰廁所我都遛連忘返，皆因佢擺唒好多LUSH 的產品任用！我呢樣玩下個樣拈下都搞左好耐。 嗰按摩開始前佢會細心講解嗰過程，我呢嗰treatment 著重拉筋，用唔著按摩油 。唉，但我超鐘意香薰油!! 嗰個moment 有D後悔…. 成嗰療程1個半鐘，原來連D音樂都係重新編制配合療程的動作。換上舒服的睡衣，就搖嗰古蕫鈴召喚Isodera 入黎！好似古代有錢人咁。 D音樂由頭到尾都係比較energetic, 唔似其他地方會播D好柔的音樂。我不嬲都係D唔易瞓著的人，所以今次更加難，基本上我會當聽下音樂。D拉筋手法創新有趣，主力拉腳，有D可惜，因為我肩頸先係重炎。過程中好得意既係，佢地真係好有心思，全程既音樂同D動作配合得天衣無縫。Isodera雙手好似識跳舞咁，好有節奏地郁。感受到佢地好想營造一個旅程俾客人，值得讚！ 完唒過程後，仲有茶點同一個surprise tim! 唔講咩surprise lu，自己試下就知。 總括黎講，喺一個好有趣的經驗，真係relax 到嘅，但就唔喺想像中咁放鬆到D肌肉, 但就拉鬆到D筋！老實講，未必會再試呢嗰treatment，因為我係需要大力咁摔D肉先得。我覺得比較適合一D冇咁受力的朋友。如果但我好期待試另外的treatment! 推介指數 (5個最高): :-D :-D :-D :-D 點擊圖片放大
