前排皮膚敏感，仲要去天氣又凍又乾北海道，真係好擔心，所以我特別小心肌膚既護理，點知出奇地皮膚係北海道反而好左，敏感仲要退左落黎，可以有小小心得分享下： 1. 水 - 早晚都一定會灌至少一杯水。我係香港飲水懶過鬼，但去到北海道，真係好驚乾得濟會敏感同痕(you know that feel sis). 2. Cream - 記住係cream唔係 lotion，因為cream先夠滋潤。我每朝一定會全身搽，唔會太厚，夜時個轉會大貪ｄ，因為佢會有一整晚敷係皮膚吸收，好似mask咁。 3. Cream要帶出街 - 特別係成日進出寒冷同暖氣地方，塊面係會紅卜卜，唔好以為好得意，真係會feel到個種刺痛。記住千祈唔好開暖氣訓覺，千祈唔好開暖氣訓覺，千祈唔好開暖氣訓覺，好重要所要講3次。如果你唔介意第二日喉嚨同皮膚乾到撕裂咁，仲因為咁而食唔到炸野燒野，你就開啦。 4. 一定係用精華油。平時係香港怕LUP的sis，黎到北海道可以放肆咁用喇。一早一晚，非常吸收，我今次帶既係Bare Mineranls 新出的Eternalixir Skin-Volumizing Oil Serum 礦物盈肌水潤精華油。 我不嬲都有用開Bare Minerals既化妝品，特別係Base同Foundation，唔敏感又覺得好易推。今次試埋佢地既skin care，又配合得唔錯喎！礦物盈肌水潤精華油結合「精華」修復肌膚的功效及「植物油」高效保濕的雙重特質，只需輕搖瓶身，便能產生協同效應，把所有成分融合為一，精華部分可令植物油更易深入肌膚底層，提升滋潤效果。 點擊圖片放大 用之前一記住要輕搖樽身，精華及油會融合為一，視覺上會見到閃閃金色，好治癒！ Loves, d* IG: www.instagram.com/waitingfordoris Travel page: www.facebook.com/sis.travelaround ELLE blog: http://blogs.elle.com.hk/missd/ BE blog: www.beautyexchange.com.hk/blog/d* Ulifestyle Blog: www.blog.ulifestyle.com.hk/blogger/eatplaylove Wordpress: xxthisisdxx.wordpress.com
